Dilliwale

營業中

休息中

印度餐每次食完都都覺得好回味，除咗各款香料味道會一直喺口腔爆發，連腦入面嘅印度歌旋律都會一直哼住，勁入腦🤣今日就嚟到銅鑼灣「Dilliwale」❣️印度脆米球 ⭐️⭐️⭐️⭐️⭐️呢度嘅脆米球食前要DIY，將餡料擺入去脆米球入面，然後加埋少少醬汁，最後落埋酸酸地嘅薄荷masala綠色醬汁！入口清新開胃，係最正嘅餐前小食❣️提提大家一定要成個擺入口食，如果唔係啲汁會漏晒出嚟㗎🤭咖喱角 ⭐️⭐️⭐️⭐️估唔到呢度嘅咖喱角咁辣！全晚竟然俾呢個咖喱角辣到流咗少少眼水🤣素咖喱角呈立體三角型，入面主要係薯仔、洋蔥、青豆等，食嘅時候點少少印度薄荷青醬會更好味👍🏻香草串燒雞柳 ⭐️⭐️⭐️⭐️⭐️經過醃製嘅雞柳仍然保持嫩滑，值得一提嘅係配菜洋蔥絲，經過炒製後極之惹味辛辣，配埋雞肉食令整體味道更佳👍🏻咖喱羊肉波菜 ⭐️⭐️⭐️⭐️⭐️波菜咖喱啱晒唔太食得辣嘅人，濃郁嘅波菜醬配上份量勁足嘅羊肉，雖然惹味但唔會有刺激嘅辛辣感，係口味比較mild嘅選擇！蒜蓉烤餅 ⭐️⭐️⭐️⭐️⭐️每次必點嘅熱辣辣蒜蓉烤餅，蒜香味唔算太濃郁，但係夾埋咖喱食真係好正😁