影片
更多
2023-02-22
60 瀏覽
喺競爭激烈既銅鑼灣有多一間質素唔錯既Omakase - Sushi N。今次約朋友收工過黎試試，整體用餐體驗令人滿意。晚市有兩個omakase menu可以選擇，試左較豐富既”N”。呢個menu包括左前菜三品、7款時令刺身、1款和食、7款手握壽司、手卷、湯同埋甜品。成個menu都好豐富！最重要既一點當然係食材既新鮮度，而呢度既食材、刺身絕對新鮮高質，無令人失望。前菜三品賣相精緻，先有帆立貝沙律、 忌廉芝士配三文魚籽同埋布丁玉子燒。玉子燒有驚喜！佢個口感好軟滑，食到蛋香又帶點甜甜既味道，味道好討好。緊接就係7款刺身環節。當晚既刺身都係當季時令新鮮食材，有啲原汁原味，有啲就有味道上加以配搭，各有特色。間八薄切。配搭紫蘇花、柚子同埋海鹽，整體口感同味道都好清爽。甜蝦刺身。配搭鱈魚薄片。甜蝦刺身滑溜而且鮮甜無比，配埋脆口既鱈魚片係鮮上加鮮。梳子魚。有微微炙燒過，魚味突出，配上柚子胡椒，味道更有層次更提鮮。西班牙生蠔。生蠔好大隻，好厚肉好creamy，海水味比較重。黑鯥。魚肉嫩滑鮮味，配搭wasabi魚子又幾特別。紅酒慢煮鮟鱇魚肝。呢個好出色！鮟鱇魚肝軟滑而且魚油香突出，餐廳用紅酒醃過帶點酸甜味
今次約朋友收工過黎試試，整體用餐體驗令人滿意。
晚市有兩個omakase menu可以選擇，試左較豐富既”N”。
呢個menu包括左前菜三品、7款時令刺身、1款和食、7款手握壽司、手卷、湯同埋甜品。
成個menu都好豐富！最重要既一點當然係食材既新鮮度，而呢度既食材、刺身絕對新鮮高質，無令人失望。
前菜三品賣相精緻，先有帆立貝沙律、 忌廉芝士配三文魚籽同埋布丁玉子燒。
玉子燒有驚喜！佢個口感好軟滑，食到蛋香又帶點甜甜既味道，味道好討好。
緊接就係7款刺身環節。
當晚既刺身都係當季時令新鮮食材，有啲原汁原味，有啲就有味道上加以配搭，各有特色。
間八薄切。
配搭紫蘇花、柚子同埋海鹽，整體口感同味道都好清爽。
甜蝦刺身。
配搭鱈魚薄片。甜蝦刺身滑溜而且鮮甜無比，配埋脆口既鱈魚片係鮮上加鮮。
梳子魚。
有微微炙燒過，魚味突出，配上柚子胡椒，味道更有層次更提鮮。
西班牙生蠔。
生蠔好大隻，好厚肉好creamy，海水味比較重。
黑鯥。
魚肉嫩滑鮮味，配搭wasabi魚子又幾特別。紅酒慢煮鮟鱇魚肝。
呢個好出色！鮟鱇魚肝軟滑而且魚油香突出，餐廳用紅酒醃過帶點酸甜味道，有畫龍點睛既效果呀！
北海道銀鱈魚。
呢款出場帶有煙霧視覺效果，一打開個蓋真係好重煙燻香。銀鱈魚滑身又肥美，好味！
食完刺身中間有一款和食。當晚既係豚肉泡菜卷配泡菜醬。
豚肉炸到金黃，外鬆脆內軟，泡菜增添口感之餘亦減低油膩既感覺！
食少少清爽既前菜同埋長野縣既水果番茄，之後就黎到最期待既壽司環節啦。
7款壽司質素都令人滿意！
北海道扇貝。
新鮮，鮮甜！扇貝啖啖肉，正！千葉縣劍魚腩。
肥美，簡單配搭蔥已經好好味。真羽太。
鰤魚。
肉質爽脆得黎好重魚香！
赤貝。
同樣係非常新鮮，師傅拍打一下即刻收縮，貝鮮十足。大拖羅。
夠晒肥美，入口即化，完全無筋，高質！
海膽。
呢個真係超鮮甜，完全無腥味，配上昆布係唔錯既配搭。
手卷係左口魚邊手卷。
左口魚邊好滑，魚油香逼人，好好食！
北寄貝湯。
最後既甜品有菠蘿雪葩配來自日本既清甜多汁蜜瓜。
清新既甜品作為完結就啱啱好。大滿足！
張貼
