瀛豐放題料理專門店

銅鑼灣sogo 購物節買買買買完都要醫肚架麻，想一次過一個價錢食到n款野食，放題就岩晒啦！.今晚揀左瀛豐放題料理....係因為俾佢既海鮮拼盤同埋海膽帶子刺身吸引到！仲要升級左凍海鮮係可以任食架！.先黎海膽帶子刺身，帶子肉鮮甜夾住海膽creamy...好好食！.跟住係刺身拼盤：大大隻赤蝦、三文魚腩、油甘魚、希靈魚、馬刀貝、八爪魚款款都新鮮又厚切，真心讚.然後再黎凍海鮮拼盤，出場「氣」派十足，有魚子醬、松葉蟹腳、鮑魚、翡翠螺、青口、熟海蝦咁高級既食材...懷疑男士黎食餐廳會蝕本.每人仲贈送一盅蟲草花燉雞湯，飲完暖笠笠又養生.當然唔止咁少嘢食啦，掃個qR code，仲有好多壽司、卷物、焗海鮮、炸物、泰式料理、麵類等等....自助區都有凍賴尿蝦等小食任拎，啤酒飲品、雪糕雪條當然唔少得.呢間放題料理真係好多選擇，食材又高質！食到好滿足！