維港冰室

營業中

休息中

上星期同朋友去咗銅鑼灣謝斐道有間新開冇耐嘅餐廳叫維港冰室食晚餐。餐廳環境新淨企理，座位十分多，寬敞舒服。餐廳提供晚市套餐外，亦有常餐、多款小菜同鐵板餐等，選擇都豐富。門口亦有專櫃for新鮮出爐嘅麵包同蛋撻。最後叫咗一個煲仔菜同鐵板餐。🔻日式照燒雞扒鰻魚鐵板套餐價錢：$119味道：8/10雞扒算大塊，食落嫩滑多汁。而鰻魚以茶餐廳黎講都算唔錯，肉滑而且少骨。醬汁方面就揀咗黑椒汁，幾惹味。配菜就有蘿蔔、西蘭花等，幾豐富。另外跟餐仲有碗西湯、餐包同熱飲。熱飲我揀咗熱奶茶，幾香茶味。🔻啫啫排骨煲價錢：$88味道：8.5/10煲仔茶一上枱就香氣撲鼻！排骨份量算多，肥瘦均衡，而且仲爆香咗啲蒜頭、洋蔥等，十分之香口，用黎送白飯真係一流。另外套餐跟隨一碗中湯。