影片
更多
2022-08-13
74 瀏覽
酸菜魚控今日又去試新店，位於銅鑼灣蘭芳道新開冇幾耐嘅捌壹壹，另外旺角都有一間分店，主打酸菜魚大獲好評，今日放工特登嚟朝聖下👍🏻這裏的裝修出乎意料，非常時尚雅緻，燈光微微昏暗，極具型格，座位又大又舒服，完全有別於一般酸菜魚店，睇睇餐牌，除咗酸菜魚仲有好多嘢食，雞煲，火鍋魚，特色香鍋（食完仲可以打邊爐），重慶串燒，小菜，涼菜，小食，甜品，好多款唔同嘅飲品，應有盡有，好多嘢想食😋🐠必食冷鍋酸菜魚 $ 238酸菜魚非常有水準，首先飲啖湯夠麻，酸，辣，好啱我口味，魚肉份量嘢好慷慨，非常滑溜，仲有好多材料，酸菜，芽菜，金菇，萵筍，寬粉，好正宗嘅酸菜魚，好好食🥚尖椒皮蛋 $ 45麻辣醬汁夠晒麻辣帶少少微甜，用上黃皮糖心皮蛋，蛋黃流心好正，皮蛋上有大量嘅蒜頭辣椒碎，撈埋麻辣汁超級美味🌶麻辣海蜇 $ 48紅油辣汁睇相都知道辣味唔講得少，但配合埋爽脆彈牙既海蜇，辣汁食落口原來唔係好啦，但係呢種味道會令人越食越想食，好辣分子必食推介🍢串燒燒烤我哋都點咗以下幾款試吓烤肥腸 $ 32 / 烤脆雞皮 $ 32 / 烤芝心豆腐 $ 25個人好推介燒雞皮，外皮卜卜脆，中間仍然保持雞皮嘅口感，配上重慶麻辣粉超級好食，烤
酸菜魚控今日又去試新店，位於銅鑼灣蘭芳道新開冇幾耐嘅捌壹壹，另外旺角都有一間分店，主打酸菜魚大獲好評，今日放工特登嚟朝聖下👍🏻
這裏的裝修出乎意料，非常時尚雅緻，燈光微微昏暗，極具型格，座位又大又舒服，完全有別於一般酸菜魚店，睇睇餐牌，除咗酸菜魚仲有好多嘢食，雞煲，火鍋魚，特色香鍋（食完仲可以打邊爐），重慶串燒，小菜，涼菜，小食，甜品，好多款唔同嘅飲品，應有盡有，好多嘢想食😋
🐠必食冷鍋酸菜魚 $ 238
酸菜魚非常有水準，首先飲啖湯夠麻，酸，辣，好啱我口味，魚肉份量嘢好慷慨，非常滑溜，仲有好多材料，酸菜，芽菜，金菇，萵筍，寬粉，好正宗嘅酸菜魚，好好食
🥚尖椒皮蛋 $ 45
麻辣醬汁夠晒麻辣帶少少微甜，用上黃皮糖心皮蛋，蛋黃流心好正，皮蛋上有大量嘅蒜頭辣椒碎，撈埋麻辣汁超級美味
🌶麻辣海蜇 $ 48
紅油辣汁睇相都知道辣味唔講得少，但配合埋爽脆彈牙既海蜇，辣汁食落口原來唔係好啦，但係呢種味道會令人越食越想食，好辣分子必食推介
🍢串燒燒烤我哋都點咗以下幾款試吓
烤肥腸 $ 32 / 烤脆雞皮 $ 32 / 烤芝心豆腐 $ 25
個人好推介燒雞皮，外皮卜卜脆，中間仍然保持雞皮嘅口感，配上重慶麻辣粉超級好食，烤大腸都做得唔錯，外皮夠脆，大腸肉夠淋幾入味，芝心豆腐中間係流心芝士，好好食
🍹凍蜂蜜蘋果茶 $ 28
蘋果茶清甜好飲，底部有蜂蜜珠珠，幾得意，食完辣嘢用嚟解辣就最啱
🍍菠蘿沙冰 $ 45
這裏嘅沙冰都非常出名，差唔多每台都有點，全部即叫即製，今次點咗菠蘿沙冰，超級香濃嘅菠蘿味，沙冰幼滑好好飲
張貼
