影片
更多
2021-07-12
177 瀏覽
要講坐得舒服食得安樂嘅燒肉店，柞木炭家可以話係首屈一指嘅中高檔韓燒之選。喺我哋行入去嘅果一刻，已經俾個布置震懾住。柞木炭家喺experience marketing同室內設計嘅安排可以話係唔手軟。火爐上嘅燈籠燈飾，枱與枱之間嘅韓式屏風，以木作為原色調嘅布局，都令你猶同置身韓國古裝劇裏面。飲杯茶都特別起勁。配合埋精心設計過嘅佳餚美食，可以話係不枉此程千里迢迢嚟到港島。食韓國野其中一樣就係勝在佢多元而永遠食唔厭嘅前菜。先唔講佢有得免費任添，真係好少見個泡菜係咁入味，明顯就唔係你百佳/759買到果隻啦！啲韓式辣汁滲入去每塊菜葉嘅程度堪稱絕境。喺未入主菜之前又唔洗等就可以見到一枱誘人嘅前菜，啲幸福感真係一湧而至。五花肉夏胡麻沙律要講爽，嚟碟沙律真係夠晒爽。一啖豬肉一啖鮮橙。開胃就當然唔洗講啦！最重要喺佢料夠足，認真食過返尋味。和牛牛舌二食牛角牛舌就食得多，但係今次和牛牛舌真係好好食！肉質比平時更嫩滑，，仲要份量好足！配埋蔥蒜一齊燒，簡直就係更上一層樓！海膽和牛卷 (2件)菜葉一層，紫菜一層，和牛一層，海膽一層，層層而上，真係令人目不暇給。望住嚟件藝術品，再唸起背後經過多番試驗設計出嚟道前菜嘅大
要講坐得舒服食得安樂嘅燒肉店，柞木炭家可以話係首屈一指嘅中高檔韓燒之選。喺我哋行入去嘅果一刻，已經俾個布置震懾住。柞木炭家喺experience marketing同室內設計嘅安排可以話係唔手軟。火爐上嘅燈籠燈飾，枱與枱之間嘅韓式屏風，以木作為原色調嘅布局，都令你猶同置身韓國古裝劇裏面。飲杯茶都特別起勁。配合埋精心設計過嘅佳餚美食，可以話係不枉此程千里迢迢嚟到港島。
食韓國野其中一樣就係勝在佢多元而永遠食唔厭嘅前菜。先唔講佢有得免費任添，真係好少見個泡菜係咁入味，明顯就唔係你百佳/759買到果隻啦！啲韓式辣汁滲入去每塊菜葉嘅程度堪稱絕境。喺未入主菜之前又唔洗等就可以見到一枱誘人嘅前菜，啲幸福感真係一湧而至。
五花肉夏胡麻沙律
要講爽，嚟碟沙律真係夠晒爽。一啖豬肉一啖鮮橙。開胃就當然唔洗講啦！最重要喺佢料夠足，認真食過返尋味。
1 瀏覽
0 讚好
0 留言
和牛牛舌二食
牛角牛舌就食得多，但係今次和牛牛舌真係好好食！肉質比平時更嫩滑，，仲要份量好足！配埋蔥蒜一齊燒，簡直就係更上一層樓！
1 瀏覽
0 讚好
0 留言
1 瀏覽
0 讚好
0 留言
海膽和牛卷 (2件)
菜葉一層，紫菜一層，和牛一層，海膽一層，層層而上，真係令人目不暇給。望住嚟件藝術品，再唸起背後經過多番試驗設計出嚟道前菜嘅大師，真係讓我不禁讚嘆。嚟幾層食材雖說又有菜又有牛又有海鮮，但各層食材主次分明。入口時和牛亦唔喧賓奪主蓋過海膽嘅鮮味。
0 瀏覽
0 讚好
0 留言
壽喜燒和牛西冷
2大塊和牛片一上台就已經吸引著我哋嘅眼球，店員會好貼心咁幫我哋燒肉，沾蛋汁，連埋白飯球一次過俾我哋，和牛真係入口即溶！油脂感滿滿又有和牛香，呢個係今次晚餐最正之一！
0 瀏覽
0 讚好
0 留言
1 瀏覽
0 讚好
0 留言
濟洲大墨魚
呢個八爪魚一黎到夠曬surprise！好大件～好彩有轉人幫我哋燒，燒既過程，佢嘅香味已經令我哋流曬口水。放入口口，淰度啱啱好，加少許鹽調味，係一道非常惹味嘅燒烤菜，果然海鮮用最簡單嘅調味已經足夠。
1 瀏覽
0 讚好
0 留言
特選黑毛豬五花肉
五花肉配泡菜同生菜食，係最佳最佳配搭。入口脂香滿溢，但又唔會覺得油膩，配菜令五花肉有陣清爽嘅感覺。比沙律嘅五花肉厚身啲，咬落肉汁豐富，正啊！
2 瀏覽
0 讚好
0 留言
0 瀏覽
0 讚好
0 留言
韓牛泡菜炒飯
嚟碟炒飯真係俾足驚喜，係食完和牛啊，海膽啊，墨魚啊，我都大致滿足啦。純粹想再黎個炒飯填下肚就call it a day啦。哇！唔係講笑，食入口果刻我真係後悔點解咁遲先食佢。炒飯入面和牛油而不膩嘅肉汁包裹住粒粒分明嘅飯粒。食得差唔多果時唸住炒起果底，一睇，哇！係飯焦啊！等我以為石鍋飯先有飯焦，居然喺嚟個炒飯都搵到，不得了！重點係佢啲飯焦唔係一pat黑晒嘅炭焦，而係一粒粒黃金色嘅脆脆。講真，嚟個意外收獲真你突破咗我對飯焦嘅認知界限。
1 瀏覽
0 讚好
0 留言
荔枝梳打及菠蘿梳打
食住咁多熱辣辣嘅野，要兩倍梳打係常識啦！梳打甜味適中，荔枝梳打重要真材實料，真係有荔枝喺裡面～一啖燒肉，一啖梳打太爽!
1 瀏覽
0 讚好
0 留言
整體今次嘅燒肉體驗好滿足，由前菜到主菜全部都十分惹味，選擇韓國燒肉的話，絕對推薦呢間！
張貼
