影片
更多
2025-07-07
544 瀏覽
「金西南」我已經食咗十幾年🤫而家店舖新裝修，比之前更加光猛明亮，點解我鍾意食呢間米線？係因為有牛肝菌同松茸，其他米線舖食唔到架👍🏻仲有每次必點嘅金獎腩肉，食過你一定返唔到轉頭😋今日下午茶時間黎食，仲有飲品送添🥳酸辣小窩米線金獎腩肉｜墨魚頭｜牛肝菌｜蘿蔔中辣對我黎講啱啱好，湯底裏面加入大量肉碎，可以根據自己嘅喜好選擇多蔥/芫荽/芽菜/酸菜，必點嘅金獎腩肉帶有點肥肉，食落會更加香，微微辣非常入味，墨魚頭爽脆鮮味，牛肝菌有兩種不同嘅口感，菇嘅頂部位置又滑又腍，菇柄位置就比較爽脆，營養豐富又鮮美👍🏻蘿蔔軟腍又多汁，大大碗有足料酸辣小窩米線金獎腩肉｜炸醬｜滷水雞翼｜豬皮｜牛肝菌朋友仔食唔到辣，佢嗌咗BB辣就話啱啱好😆我同佢交換咗啲餸食，一大羹嘅炸醬全部都係肉粒，少少辣配埋米線食好正👍🏻滷水雞翼滷得夠晒入味，一啜已經脫骨，豬皮超大一片係酸辣嘅口味，爽口又Q彈藤椒魚皮魚皮香辣爽脆，藤椒嘅口味入口又麻又爽，店員再幫我加咗花生同芫荽令口感更加豐富，真係會令人食唔停口😋炸海鮮卷網狀嘅外皮酥脆香口，滿滿嘅餡料份外鮮味，配上沙律醬更加美味📍金西南米線 (銅鑼灣)銅鑼灣登龍街41-51號金龍大廈地下D號舖人均消
酸辣小窩米線
金獎腩肉｜墨魚頭｜牛肝菌｜蘿蔔
中辣對我黎講啱啱好，湯底裏面加入大量肉碎，可以根據自己嘅喜好選擇多蔥/芫荽/芽菜/酸菜，必點嘅金獎腩肉帶有點肥肉，食落會更加香，微微辣非常入味，墨魚頭爽脆鮮味，牛肝菌有兩種不同嘅口感，菇嘅頂部位置又滑又腍，菇柄位置就比較爽脆，營養豐富又鮮美👍🏻蘿蔔軟腍又多汁，大大碗有足料
酸辣小窩米線
金獎腩肉｜炸醬｜滷水雞翼｜豬皮｜牛肝菌
朋友仔食唔到辣，佢嗌咗BB辣就話啱啱好😆我同佢交換咗啲餸食，一大羹嘅炸醬全部都係肉粒，少少辣配埋米線食好正👍🏻滷水雞翼滷得夠晒入味，一啜已經脫骨，豬皮超大一片係酸辣嘅口味，爽口又Q彈
藤椒魚皮
魚皮香辣爽脆，藤椒嘅口味入口又麻又爽，店員再幫我加咗花生同芫荽令口感更加豐富，真係會令人食唔停口😋
炸海鮮卷
網狀嘅外皮酥脆香口，滿滿嘅餡料份外鮮味，配上沙律醬更加美味
📍金西南米線 (銅鑼灣)
銅鑼灣登龍街41-51號金龍大廈地下D號舖
人均消費：$50-100
食物：⭐️⭐️⭐️⭐️⭐️
環境：⭐️⭐️⭐️⭐️
服務：⭐️⭐️⭐️⭐️⭐️
回頭率：⭐️⭐️⭐️⭐️⭐️
張貼
