金蘭花泰國菜館

營業中

休息中

今日呀女要求去九龍城金蘭花食泰國菜，收工約埋老公三人行，打電話訂位準時7點到，佢哋出名嘅咖喱蟹，新鮮生蝦，燒牛肉已經食過好幾次，我提議叫啲平時少叫嘅泰菜，呀女同老公都讃成。我哋叫咗泰色燒雞，非常泰式醃法，很惹味，好食。呀女點咗個樣咖喱雞大圓法包，咖喱香濃清甜，麵包焗完，香輭微脆，老實，金蘭花的咖喱好味，無得輸。再加一個馬拉盞炒椰菜苗，他們用的是泰國椰菜苗，菜味比較濃郁，師傅功力深厚，把馬拉盞配搭椰菜苗炒出鑊氣，香口之餘，又突出菜味。另外兩個小食，燒魷魚，食得魷魚生鮮，不是雪藏貨，燒得剛剛好，不會過火，大條抵食。蝦餅之前都食過，蝦肉新鮮，肉質彈牙。總括今日非常好味，大部份餸菜都不是常叫，而價錢實惠，大件抵食，所以一想食泰菜，金蘭花必定係我哋首選！