金子半之助 (奧海城二期)

營業中

休息中

🍱江戸前天丼江戸前天丼嘅特色係佢嘅招牌穴子天婦羅。穴子即係星鰻，肉質纖細而且脂肪比例較少，所以口感特別緊實。長達30公分, 超厚肉身, 色澤金黃，帶出華麗嘅氣派。再升級車海老，肥美軟滑。特別喜歡小柱魷魚天婦羅餅，魷魚突出，口感煙銀。溫泉蛋拌飯一流。🍤赤金鯛赤金鯛天婦羅肉質肥美，配有日本特製高胡麻油，令天婦羅芳香撲鼻，及其色澤亦會較深。🥚稻庭烏冬稻庭烏冬感覺低調，但金子半之助卻讓他走上舞台。店員送上一個長形嘅木盒，入邊有半熟溫泉蛋，蔥花，海藻，鰹魚花同天婦羅碎，隨自己喜愛加到自己嘅稻庭烏冬。烏冬幼細，質感滑溜，暖暖的，滋潤口腔腸胃。🧊檸檬果凍檸檬果凍酸甜冰涷幼滑感覺，係食完炸物天婦羅之後對感官嘅沖擊。果凍内有粒粒檸檬肉，晶瑩剔透，可愛又可口。