Outdark (H8)

營業中

休息中

book左兩點黎食，環境好有格調，環境算清靜，桌面有少少痴nupnup。叫左雙拼炸雞（原味 同 garlic），芝士炒雞，海鮮煎餅，炸雞都幾好食，同韓國食到既炸雞一樣，香料同炸粉都係果類野。好食😋海鮮煎餅主要係蝦同蔬菜類，相對無咁油，鐘意海鮮既朋友可以試下。芝士炒雞就係一個大盤，中間有雞，年糕，芝士，側邊仲有泡菜，蛋，紫菜飯等等味道好濃，有d辣 介乎出面既中辣同小辣中間，唔係好食得辣既朋友可能要注意下，一啖雞一啖紫菜飯咁食係幾好。見到係場裡面只有1-2個waiter/waitress，有時候見到佢地要去廚房幫手，變左無人係度睇場。想加單叫野飲都變左要等多5分鐘，店面比較繁忙，感覺人手不太夠，野食好好食，希望未來改進店面安排就更好。價錢就一般，唔算平，但係呢個地段又好食，算係咁。整體只係ok 無咩驚喜。