影片
更多
2021-08-30
1257 瀏覽
之前經過灣仔利東街已經被「金子半之助」呢個名稱所吸引，皆因佢同我撞名，我叫做野原新之助嘛，哈哈🤣。星期六想食，但門口大排長龍，所以放棄咗。呢日比我有機會平日嚟食，估唔到下午三點鐘都仲要排！餐廳人氣真係超高呢，好彩我哋都係等咗十分鐘啫👍🏻。如果你下午四點入嚟食就應該唔使等嘅。入到去發現店舖面積原來都幾細，粗略數估計得廿多個座位，難怪長期都要等位。餐廳並無華麗嘅裝修，用上木系傢具，簡約嘅設計讓人舒服🪵。呢度採用開放式廚房，坐吧枱嘅客人可邊食、邊欣賞炸天婦羅嘅過程。即使廚房外露，但四周圍並無出現污煙漳氣嘅景況。作為天丼專門店，佢當然係主打天婦羅丼，但佢提供嘅菜式遠比想像中少😳。天丼基本上得三款恆常款式以及一款期間限定，佢哋之間嘅分別仲要唔大，只係得主角食材唔同。飯以外，佢竟然有冷熱烏冬賣，有啲意想不到。江户前天丼($138)，天丼果然俾到人一種豐盛華麗嘅感覺😍，天婦羅炸物堆到高高的，近乎遮蓋哂啲飯，而且穴子仲要出哂界添，好誇張。伴隨丼飯附上味增湯同漬物，味噌湯夠熱唔太鹹，實屬基本要求，但做到已經難得。漬物則有醃蘿蔔同壽司薑。🍚天丼個大飯碗經特別製造，內裡深度只達成個碗嘅一半，但可裝嘅飯量經已
之前經過灣仔利東街已經被「金子半之助」呢個名稱所吸引，皆因佢同我撞名，我叫做野原新之助嘛，哈哈🤣。星期六想食，但門口大排長龍，所以放棄咗。
呢日比我有機會平日嚟食，估唔到下午三點鐘都仲要排！餐廳人氣真係超高呢，好彩我哋都係等咗十分鐘啫👍🏻。如果你下午四點入嚟食就應該唔使等嘅。入到去發現店舖面積原來都幾細，粗略數估計得廿多個座位，難怪長期都要等位。
餐廳並無華麗嘅裝修，用上木系傢具，簡約嘅設計讓人舒服🪵。呢度採用開放式廚房，坐吧枱嘅客人可邊食、邊欣賞炸天婦羅嘅過程。即使廚房外露，但四周圍並無出現污煙漳氣嘅景況。
作為天丼專門店，佢當然係主打天婦羅丼，但佢提供嘅菜式遠比想像中少😳。天丼基本上得三款恆常款式以及一款期間限定，佢哋之間嘅分別仲要唔大，只係得主角食材唔同。飯以外，佢竟然有冷熱烏冬賣，有啲意想不到。
江户前天丼
$138
14 瀏覽
0 讚好
0 留言
江户前天丼嘅炸物包括穴子、海老、小柱魷魚天婦羅餅、溫泉蛋、海苔同莢豌豆，約30厘米長嘅穴子係江户前天丼嘅獨有配料，主角非佢莫屬🐟。穴子即係指星鰻，佢同一般食開嘅鰻魚唔同，肉身超厚，油脂較少，肉質緊實。餐廳用料新鮮，以天婦羅炸嘅方式煮就能保持食材嘅原汁原味。🍤海老(即係蝦)有兩大隻，口感爽彈，而小柱魷魚餅就只見魷魚，小柱好似失蹤咗。另外，🥚炸溫泉蛋對我嚟講好新穎，估唔到咁都有得拎去炸，名符其實係「炸蛋」。店員提醒最佳風味係食到一半將蛋戳穿，令飯沾滿蛋汁，以增加層次感。
迷你天丼&稻庭烏冬(溫)
$118
7 瀏覽
1 讚好
0 留言
天丼仔嘅炸物包括海老、溫泉蛋、海苔、莢豌豆、菇菌同南瓜，後面兩樣係江户前嗰款無嘅。🍄炸菇菇幾得意，而且仲要係一大抽。襯機會再介紹多少少呢度嘅天婦羅，我第一印象係覺得佢哋好深色，但原來係用咗古麻油嘅效果，而唔係萬年油，請放心。天婦羅炸衣酥脆，不過記住要盡早食，因為曝露於空氣中好快變淋。炸物同飯蘸上秘製醬油，味香而不膩，亦令成個丼變得唔乾身。炸物上更附有微微柚子味🍊，好清香啊。
稻庭烏冬有溫有冷可選，我選擇咗熱湯🍜。烏冬熱辣辣送上，麵條好特別，扁身嘅形態、每條都好長、質感軟硬適中，同市面上買到嘅唔同，所以我相信係餐廳自家製。湯底呈醬油啡色，味道都似採用咗醬油，個人認為就咁飲就鹹咗啲。
點選熱烏冬嘅客人會獲發一個寶盒🎁，入面裝住四款配料，包括蔥花、海藻、鰹魚花同天婦羅碎，客人可自由搭配，再加埋另上嘅溫泉蛋一齊食，滋味無窮。
飲品方面，餐廳賣嘅主要都係汽水同啤酒，不過枱面亦放有熱茶以供享用🍵。每個茶杯內均加入咗黑豆，散發住啖啖豆香，飲住茶食大碗飯絕對有消滯嘅作用。
總括嚟講，金子半之助嘅天婦羅確係出色😋，而且佢更有一套獨特嘅見解，追求嘅係每件天婦羅都能適量地沾有醬汁，並非越脆口就代表越好。佢賣嘅菜式貴精不貴多，即使選擇少，但都足以令人再次回頭，推介🌟！
張貼
