影片
更多
2023-09-27
451 瀏覽
廢話少講，是夜齊人，即去Pierside整番餐重量級美饌，拾回當年年少輕狂的喪食回憶。唔知係咪要響應夜繽紛，Pierside今期的晚市餐單，大件夾抵食，樣樣嘢食上桌時都會令人嘩嘩聲響，打卡一流。事不宜遲，一開波既呢個意大利拼盤，係巨型得要用氣力捧上來的。各式Cold Cut、沙律菜蔬、烤三色椒及芝士等等，未食先興奮。大家老友鬼鬼，唔使拘謹，喜歡吃什麼就叉什麼，猶如吃自助餐般，多麼痛快！接下來三層的盒子，查實是意粉三重奏，內容分別有卡邦尼長通粉、牛肝菌意大利雲吞，與及海鮮青醬墨汁意粉。三款之中，各有所長，各有擁戴者，而我的首選是意大利雲吞，口感煙韌，味道濃郁可口。鬥快變烏咀狗的墨汁意粉，配很豐富的海鮮，青口、帶子、魷魚及蝦等，應有盡有。薄餅既size屬正常，所指的重量級，就是在餡料之上。辣肉腸、肉碎、芝士、辣椒等等，份量勁足，總之就每口都是滿足。海鮮拉盤是要預訂的項目，驟眼睇已見到有蟹腳、龍蝦、青口、鮑魚、扇貝及虎蝦等，各款海鮮都勝在真夠新鮮，個人尤其喜歡龍蝦鉗，鮮嫩可口。T骨扒份量當然巨，烤得好靚仔，火侯也控制得好，有人喜歡吃End Cut位，而我則從來是近骨位置的粉絲。要讚是旁邊的伴
廢話少講，是夜齊人，即去Pierside整番餐重量級美饌，拾回當年年少輕狂的喪食回憶。唔知係咪要響應夜繽紛，Pierside今期的晚市餐單，大件夾抵食，樣樣嘢食上桌時都會令人嘩嘩聲響，打卡一流。
事不宜遲，一開波既呢個意大利拼盤，係巨型得要用氣力捧上來的。各式Cold Cut、沙律菜蔬、烤三色椒及芝士等等，未食先興奮。大家老友鬼鬼，唔使拘謹，喜歡吃什麼就叉什麼，猶如吃自助餐般，多麼痛快！
接下來三層的盒子，查實是意粉三重奏，內容分別有卡邦尼長通粉、牛肝菌意大利雲吞，與及海鮮青醬墨汁意粉。
三款之中，各有所長，各有擁戴者，而我的首選是意大利雲吞，口感煙韌，味道濃郁可口。
鬥快變烏咀狗的墨汁意粉，配很豐富的海鮮，青口、帶子、魷魚及蝦等，應有盡有。
薄餅既size屬正常，所指的重量級，就是在餡料之上。辣肉腸、肉碎、芝士、辣椒等等，份量勁足，總之就每口都是滿足。
海鮮拉盤是要預訂的項目，驟眼睇已見到有蟹腳、龍蝦、青口、鮑魚、扇貝及虎蝦等，各款海鮮都勝在真夠新鮮，個人尤其喜歡龍蝦鉗，鮮嫩可口。
T骨扒份量當然巨，烤得好靚仔，火侯也控制得好，有人喜歡吃End Cut位，而我則從來是近骨位置的粉絲。要讚是旁邊的伴菜亦毫不馬虎。
之後大家都揀選自已喜愛的甜品作結，試了些少岩燒蜜糖芝士蛋糕，香濃細滑，討我歡心。
心太軟做到流心效果，外鬆脆，朱古力漿濃郁，結合雲尼拿雪糕，冷熱交融，呢個組合，邊有得輸?又是飽到要飲伯爵茶消滯的晚上。
張貼
