影片
更多
2022-11-13
83 瀏覽
有時去食嘢，撞下撞下就搵到好嘢食，呢一間阿三真係要推介一下。坐低望左一輪餐牌，有啲懷舊菜都已經想試，不過朋友話想食薑蔥蠔，不過就咁啱餐牌冇喎，就多口問吓有冇得另外整，點知又有喎，令我覺得有啲似以前嗡得出就做到嘅感覺(未試過其他餸得唔得)，起碼呢刻已經開心咗先。雖然簡簡單單，啲蠔走走油再加汁煮一煮，隻蠔面頭少少脆，裡面依然軟軟哋，味道啱啱好滲咗入去，仲留返少少蠔香，本身已經肚餓加埋惹味嘅汁，真係越食越開胃。之後叫個小炒王夠晒鑊氣同正宗，啲韭菜好嫩好香口，韭菜仲食到有蝦乾味，不過細細碟唔夠喉。椒鹽九肚魚的確唔錯，試過有次係第二間食到差啲梗骨，呢度炸到啱啱好。餐牌推介咕嚕豬頸肉，外脆內軟不過略欠豬肉味。明白嘅，呢個年頭上肉難求。最後叫返個菜平衡一下，不過不失唔會出水，已經係茶餐廳難得。總結來講，此店甚有大排檔風味．廚師功力深厚，絕對可靠。
坐低望左一輪餐牌，有啲懷舊菜都已經想試，不過朋友話想食薑蔥蠔，不過就咁啱餐牌冇喎，就多口問吓有冇得另外整，點知又有喎，令我覺得有啲似以前嗡得出就做到嘅感覺(未試過其他餸得唔得)，起碼呢刻已經開心咗先。
雖然簡簡單單，啲蠔走走油再加汁煮一煮，隻蠔面頭少少脆，裡面依然軟軟哋，味道啱啱好滲咗入去，仲留返少少蠔香，本身已經肚餓加埋惹味嘅汁，真係越食越開胃。
之後叫個小炒王夠晒鑊氣同正宗，啲韭菜好嫩好香口，韭菜仲食到有蝦乾味，不過細細碟唔夠喉。
椒鹽九肚魚的確唔錯，試過有次係第二間食到差啲梗骨，呢度炸到啱啱好。
餐牌推介咕嚕豬頸肉，外脆內軟不過略欠豬肉味。明白嘅，呢個年頭上肉難求。
最後叫返個菜平衡一下，不過不失唔會出水，已經係茶餐廳難得。
總結來講，此店甚有大排檔風味．廚師功力深厚，絕對可靠。
張貼
