阿三大牌檔

香港大排檔，是鑊氣最熾烈的江湖。「小炒王」一上桌，霹靂啪啦的聲響先聲奪人。韭菜花、銀魚仔、蝦乾在猛火下逼出極致乾香，鑊氣穿透每種食材，入口是十足的爽脆酥香，鹹鮮惹味，是絕佳的下酒號角。「蜜椒薯仔牛柳粒」是甜與鹹的完美博弈。牛柳粒外微焦內軟嫩，薯仔外層裹著蜜糖，焦脆香甜，內裡卻粉糯如薯泥。蜜糖的甜與黑椒的辛在口中交織，風味層次分明。「脆皮咕嚕豬頸肉」打破了傳統。豬頸肉先炸出金黃脆殼，肥瘦相間帶有爽勁。酸甜美味的咕嚕汁均勻掛在脆皮上，一口咬下，先是酥脆，隨後是肉汁迸發，酸甜開胃。「黑醋骨」則展現了溫柔一面。選用鎮江香醋，酸甜柔和醇厚，醋香滲入肉質纖維，排骨軟嫩不柴，酸甜滋味溫潤解膩，餘韻悠長。壓軸的「蜜餞鱔球」最見功夫。肥美鱔魚肉厚無骨，炸至外皮微脆，肉質依然彈牙。蜜汁甜而不膩，均勻包裹每塊鱔球，入口甜香與鱔魚的鮮美碰撞，膠質豐腴，令人吮指回味。這五道菜，是大排檔的靈魂之作，每一口都是香港飲食文化中，最生猛活力的滋味。…查看更多

聽聞係大埔名物所以前往一試，一入到去已經滿枱蚊滋，被安排往另一邊坐低，但一路食啲蚊一路喺啲食物上邊飛！極度唔衛生及近排亦有蚊病毒，員工應該喺開舖之前用蚊拍處理！再加上冷氣不足，極為侷促，令人更加食得唔舒服！離開時亦都俾好多隻蚊咬咗！味道方面，建議有味精敏感嘅人千祈唔好去試！因為佢極高味精，全家人都極口渴！見識過，絕對唔會回頭嘅大排擋…查看更多

今日同屋企人嚟阿三預祝父親節 嚟到全場滿座，心諗有冇咁誇張呀！點知入到去，食第一道菜，嘩左一聲！啲到啲小炒夠晒鑊氣，又夠大份超級好食！今日一家人叫咗五個菜，完全大份到食唔晒要打包😂…查看更多

同朋友仔食飯，諗住食大排檔就上open rice 搵下，見到呢間*阿三大排檔*好多好評，就一於試下小炒王味道👅夠，好夠鑊氣份量多。魚仔好乾身香脆、仲有最傳統的芋頭絲魷魚好彈牙，仲有腰果蝦干👍回味無窮值得一試蜜糖柚子一字脆骨有驚喜炸粉薄身酸甜味道適中，肉質嫩口、脂肪比例平均一咬入口滲著濃濃的蜜糖柚子味，感覺唔會好熱氣。總結：環境大，乾淨整齊，坐得舒服。職員有禮貌，好好人又唔會趕人價錢合理份量大，勝價比高鑊氣夠，一定會繼續支持。…查看更多

同朋友聚會，佢就介紹左呢間大排檔，有冷氣而且環境幾衛生。懷舊蠔餅蠔餅份量多，蠔餅炸得金黃香脆，不油膩，炸漿厚度適中，口感鬆化香脆，蠔肉飽滿鮮甜。小炒王有韭菜花、魷魚、鮮蝦、蝦乾、大頭菜、沙葛及魚乾等。韭菜花鮮嫩爽甜，魷魚同蝦鮮爽可口，蝦乾香甜鮮味且有嚼勁，整體味道出色口感豐富。脆皮咕嚕豬頸肉呢個咕嚕肉係用豬頸肉嚟做，肉質更加嫩滑、肥而不膩，炸到外脆內軟，配上香濃咕嚕汁，酸甜層次豐富，加埋青紅椒同菠蘿，超級開胃！椒鹽鮮魷魷魚新鮮，一樣炸得唔好厚粉，炸到酥脆，鮮魷肉爽滑彈牙，椒鹽好惹味！乳鴿皮脆香可口，咬落去嫩滑多汁，非常美味！…查看更多

去到大埔 隨便揀一間， 阿三大排檔， 我叫咗一個南瓜雞煲， 蒜蓉炒白菜仔， 同埋一個小炒王， 兩個都炒得好有鑊氣， 小炒王配料多，有韭菜花， 腰果， 蝦米， 蝦乾， 青椒，黃椒， 見佢咁好味，即時叫啤酒， 小炒王配醇滑嘉士伯， 真係冇得輸， 跟住個南瓜雞煲， 出面都比較少有，南瓜煲溶咗， 好似鹹蛋黃咁鋪咗喺面頭， 再加埋爽滑嘅雞件一齊食， 正呀， 而且個汁仲好好餸飯， 之後再食一個蒜蓉即炒白菜仔，白菜仔揀啲最細條畀你夠嫩， 配埋蒜蓉 一齊食增加香氣咁難得去到大埔， 又食到咁好嘅嘢 我一定會畀五星星佢…查看更多

甚少走到大埔的我，今天專程到訪探望親戚順道一起聚餐，選擇位於昌運中心附近的新式大排檔「阿三大牌檔」享用晚餐-🔹泡椒魚皮 $68魚皮質感爽滑充滿麻油香，搭配芝麻、花生、芫茜、辣椒和沙律菜，開胃滋味-🔹麻香海蜇手撕雞 $78加入大量青瓜絲、芫茜、芝麻及花生雞肉雪白嫩滑而鹹香適中，帶濃郁的麻油香；青瓜絲新鮮爽甜，花生香脆可口-🔹懷舊蠔餅 $118蠔餅份量十足，炸漿厚薄適中也夠金黃帶有蛋香，毫不油膩；口感鬆化香脆，蠔肉飽滿鮮甜-🔹酸菜魚片 $168除酸菜及魚片外，加入支竹、絲瓜、芽菜及寬粉等，份量充足魚片雪白嫩滑，魚香豐富；支竹吸湯後夠滋味、絲瓜嫩甜、芽菜爽脆、寬粉輕韌，酸菜魚湯微辣鮮甜，齒頰留香-🔹小炒王 $118除韭菜花外，材料有魷魚、鮮蝦、蝦乾、大頭菜、沙葛及魚乾等韭菜花鮮嫩爽甜，魷魚及鮮蝦鮮爽，蝦乾香甜鮮味而有嚼勁，配合大頭菜、沙葛及魚乾等，味道口感層次皆豐富-🔹蜜糖柚子一字脆骨 $108件件一字骨非常厚肉，做到外脆肉嫩，脂肪比例不高，加入酸甜平衡的蜜糖柚子醬汁，非常滋味…查看更多

今天走到大埔開業多年口碑不錯的「阿三大牌檔」跟家人聚餐，冷氣充足，用餐環境理想*泡椒魚皮帶有麻油香嘅魚皮口感爽滑，配料有芝麻，花生，芫茜同沙律菜，係一道惹味開胃嘅前菜*麻香海蜇手撕雞雞肉份量好多，嫩滑緊緻有雞肉香，麻油香十足，加埋香脆花生，爽甜青瓜，芝麻同芫茜，滋味而不油膩*酸菜魚片魚片接近二十片，嫩滑帶魚香，酸菜魚湯鮮甜不膩，加埋支竹，絲瓜，芽菜，芫茜同寬粉等，足夠豐富，下飯一流*懷舊蠔餅蠔餅炸得金黃香脆而不油膩，炸漿唔厚，蠔肉大隻多汁又鮮味*蜜糖柚子一字脆骨一字骨肉厚爽嫩有肉香，做到外脆內嫩，醬汁調得稀杰適中，蜜糖及柚子比例平衡，甜滋滋的味道很好下飯*小炒王有韭菜花，魷魚，鮮蝦，蝦乾，大頭菜，沙葛及魚乾等，材料新鮮，蝦肉及魷魚鮮甜，蝦乾鮮香，韭菜花爽嫩，出色！…查看更多

好少因為一間餐廳好食留食評，但作為大埔人都覺得呢間大排檔真係超好食，所以為咗佢可以喺悲觀環境都樂觀生存，所以我繼續可以食呢一間咁好食嘅大排檔，(🥹🥹你知而家市面上幾多收得價錢,貴嘢食,唔係特別好食淨係買名氣，呢間真係真材實料)我決定好落力咁樣幫佢寫食評。我甚至出去土瓜灣啲大排檔，我都覺得佢係好好食好多，係傳統多油多鹽，但係啲味道真係啱啱好，價錢又抵，比起出邊出晒名嗰啲土瓜灣深水埗大排檔更加好味。題外話，深水埗萬發入咗大埔，沙拉骨賣緊$150，呢間呀三真係吊打佢10倍。所以特登揸車返入嚟大埔食都好值得，另外附近都幾多停車場位時租都係$20 埋單$560仲要叫咗啤酒同埋汽水，上菜速度可以形容為光速我食到飽飽一個鐘頭仲可以攞返架車走。…查看更多

大牌檔主打，果然充滿大牌檔風味📍地點：大埔🍽️菜式：中菜💰人均消費：晚餐 HK$200~300🔖服務費/ 茶芥：❎ / ❎🧻餐巾/ 濕紙巾：❎ / ❎🪑座位類型：卡位 / 圓枱 📝落單方式：侍應生落單【蜜糖柚子一字脆骨】💰HK$108一字炸香，再以蜜糖柚子燴煮包裹。【酸菜魚片】💰HK$168魚片嫩滑，湯夠酸，有大豆芽菜、薯粉、木耳等配料。【咸魚蓉炒白菜仔】💰HK$88清新白菜配咸香咸魚蓉，咸魚蓉份量剛好。【泡椒魚皮】💰HK$68夏日炎炎首選，不過就唔好送飯。3.阿三大牌檔🏷️大埔舊墟直街4-20號美新大廈地下B1號舖…查看更多

天氣咁熱落水就最岩，喺大埔泳池行去食飯，近近地都係去番飯堂阿三大排檔 ，佢平時巳經有60款以上小炒仼你揀之餘，仲不時有新菜式，每次嚟都會有驚喜，今次亦唔例外，游完水食多小小都唔太過份啦🤣環境嚟講呢度嘅座位好多好大，亦都有好多卡位，仲可以帶毛孩一齊食飯添👍🏻最鍾意食佢個滷鵝腸，個底墊住好多芽菜，份量多送酒一流，呢樣我每次嚟都必定會點的 另外魚皮都係一絕，非常開胃🤤其實鍾意食小炒嘅我，都係喜歡佢夠鑊氣，加上佢每碟份量好澎湃，絕對抵食之選…查看更多

入大埔食飯 好自然咁想揾傳統懷舊嘢食 最後揀咗間入舖嘅大排檔 食鑊氣小炒-🥠黃金豆腐粒香口小食係必叫 但係呢度太過分啦😅 點解連小食嘅份量都咁大碟‼️而且水準唔錯 豆腐嫩滑外脆內軟-🥬蠔皇牛肉炒菜心牛肉軟腍唔柴口 菜心翠綠爽口 所謂「平凡中見真章」 呢個平常不過嘅家常小炒 我哋反而最先將佢K.O.😋-🐷脆皮咕嚕豬頸肉用豬頸肉嚟做咕嚕肉嘅好處 係啖啖肉得來 肉質Q彈帶脂肪甘香 咕嚕芡汁酸酸甜甜 確係下飯🍚佳選-🥔蜜椒薯仔牛柳粒作為牛魔王 小菜點可以只得一碟牛肉呢🥹 追加咗呢個少辣又飽嘅小菜 再啤一啤 都幾爽😘-📍阿三大排檔大埔舊墟直街4-20美斯大廈地下B1舖…查看更多

如果想食到大牌檔口味，這裡當然就係我嘅首選，這裡晚市都很多人到來，地方大座位多，還有個開放位置，可以帶寵物一齊座！今晚就點了個超正必食椒鹽鮮魷，大大條煙韌彈牙鮮魷，鮮魷外面沾了一層香脆炸漿，加埋爆香了嘅香蒜粒，不論佐酒，送飯都十分出色！另外一個就係蜜椒薯仔牛柳粒，以健康三色椒炒香再加上入口酥軟咀嚼嫩滑軟熟牛柳炒，還加上蜜糖拌炒至黃金焦香，色香味俱全！而脆皮咕嚕豬頸肉，這款咕嚕肉唔係坊間用開嘅梅肉、豬腩肉製作，用上了更加肉嫩、肥而不膩，厚片嘅豬頸肉，炸到外脆內軟，配上香濃咕嚕汁，酸酸甜甜層次豐富，加埋青紅椒同菠蘿，同樣推介！魚香海皇豆腐煲，以熱燙燙嘅煲上枱，上面放滿了不同材料，有彈牙鮮魷片，爽口大蝦，大大隻帶子，還有彈牙爽口班片，加埋吸晒味道入口香滑嘅豆腐，放滿了整個煲內！口味十分有大牌檔風味，上菜又快，食物質素高，價錢合理相宜，絕對係街坊必食之選！…查看更多

放工唔想諗煮咩食，去咗太和呢間新式大排檔，可以嘆住冷氣食鑊氣小炒，餐廳提供多款粵菜，款式非常多🔹紅燒乳鴿 $71乳鴿外皮香脆， 肉很嫩滑多汁，點埋椒鹽食更添風味🔹黃金四季豆 $98外皮炸得好香脆，食落有陣陣鹹蛋香味，惹味小炒送飯一流🔹脆皮咕嚕豬頸肉 $98豬頸肉好大件，咕嚕醬汁酸甜惹味，咕嚕肉皮脆內軟，肉質飽滿，加入洋蔥、青椒、黃椒一齊炒🔹水煮牛肉 $98除咗大排檔小炒，仲點咗川菜食，口味豐富為特色，越食越辣好惹味，入面配料豐富，嫩牛肉、雲耳、節瓜、蒜頭、同埋有寬粉！寬粉絕對係精華，吸盡湯汁…查看更多

與家人剛巧經過此大排檔, 雖然名字叫大排檔, 有冷氣就不再話下, 環境也非常整潔! 眼見價錢也屬正常, 所以二話不說走進店內試試看 😊 由於時間尚早, 所以店內未有太多客人。黃金四季豆 $98用咸蛋沾上四季豆後炸成, 咸蛋灑得均勻, 不算油膩, 最重要的是炸了後四季豆仍然保持水潤 ☺️ 咸蛋絕對是為四季豆加了不少分!懷舊蠔餅 $118巨型的蠔餅上碟時大家嘩然四起, 沒想到會份量會如此多 🤩 不只蠔餅份量, 連蠔的份量跟大細都絕不簡單! 廚師亳不吝惜, 務求客人滿意 😃 蠔餅炸得超酥脆, 一咬咔嚓聲相當清脆! 😌紅燒乳鴿 $71總共有兩隻乳鴿, 燒得恰到好處, 微微的脆, 帶點油香, 而且肉厚多汁, 可媲比大酒樓的水準 👍🏻麻香海蜇手撕雞 $78手撕雞帶輕微的麻油味, 配有一些海蜇, 白芝麻和花生。雞肉鮮嫩十足, 雖然部份雞皮有點肥膏, 但也無阻大家進食進度 😄蜜糖柚子一字脆骨 $108脆骨先經過油炸的過程, 所以吃下去都有點脆口, 骨肉容易分離, 蜜糖柚子醬味道鮮甜, 就算吞了一字骨柚子味仍然保留在齒頰之間 😚揚州炒飯 $88這個飯看上去好像不錯, 但吃了發覺炒飯不夠乾身, 而且灑不夠鹽, 所以味道不夠, 是比較失色的菜餚。食物每一碟都極有份量, 味道還相當不錯, 特別是惹味煎炸食物 😍 服務上未有什麼特別, 另外是自助斟水, 更加不需要什麼特別服務。…查看更多