影片
更多
2020-02-10
112 瀏覽
觀塘係一個有好多隱世美食嘅好地方，尤其是喺啲工廈裏面，只要你用心發掘，一定有精彩嘅發現。幾年前同屋企人嚟過一次御膳，記得呢度嘅食物係價廉物美，今次約咗三五知己再嚟食飯傾計，發現食物已經更上一層樓。今晚嘅前菜有「香芒沙律大蝦球」，大蝦炸得香脆，配上生果同沙律菜，酸酸甜甜；不過我就略嫌用得太多沙律醬，有少少搶咗蝦嘅味道。另一個前菜係「潮州滷水鵝」，滷水汁非常濃郁入味，鵝肉香酥嫩滑，我本人十分推薦。試咗碗「金湯海皇翅」，非常足料，加上湯底濃郁，飲完個湯已經好有滿足感。跟住到海鮮部份，首先係大大隻蟶子，火候處理得啱啱好；「花雕蛋白蒸肉蟹」又係另一道驚喜，蛋白同蟹肉原來好夾，同樣滑不溜口，加上香濃花雕味，可以話係全晚高潮。跟住落嚟嘅兩道菜式都有無比驚喜，「花膠扒羊肚菌」同埋「胡椒爆南非鮑魚」。花膠係矜貴嘅食材，不嬲都係女士恩物，但都唔好忽視羊肚菌，口感爽脆之餘不失菇菌香味，今晚比起花膠，我更愛羊肚菌。至於個鮑魚就更加驚喜，我估唔到原來可以用胡椒爆炒，彈牙嘅新鮮鮑魚，配上惹味嘅黑椒汁，我真係覺得食一隻唔夠喉。雖然已經好飽，但係我記得呢度嘅「富瑤炒飯」非常好食，所以點都要食一碗。果然不失我所望，米飯
幾年前同屋企人嚟過一次御膳，記得呢度嘅食物係價廉物美，今次約咗三五知己再嚟食飯傾計，發現食物已經更上一層樓。
今晚嘅前菜有「香芒沙律大蝦球」，大蝦炸得香脆，配上生果同沙律菜，酸酸甜甜；不過我就略嫌用得太多沙律醬，有少少搶咗蝦嘅味道。
另一個前菜係「潮州滷水鵝」，滷水汁非常濃郁入味，鵝肉香酥嫩滑，我本人十分推薦。
試咗碗「金湯海皇翅」，非常足料，加上湯底濃郁，飲完個湯已經好有滿足感。
跟住到海鮮部份，首先係大大隻蟶子，火候處理得啱啱好；「花雕蛋白蒸肉蟹」又係另一道驚喜，蛋白同蟹肉原來好夾，同樣滑不溜口，加上香濃花雕味，可以話係全晚高潮。
跟住落嚟嘅兩道菜式都有無比驚喜，「花膠扒羊肚菌」同埋「胡椒爆南非鮑魚」。花膠係矜貴嘅食材，不嬲都係女士恩物，但都唔好忽視羊肚菌，口感爽脆之餘不失菇菌香味，今晚比起花膠，我更愛羊肚菌。至於個鮑魚就更加驚喜，我估唔到原來可以用胡椒爆炒，彈牙嘅新鮮鮑魚，配上惹味嘅黑椒汁，我真係覺得食一隻唔夠喉。
雖然已經好飽，但係我記得呢度嘅「富瑤炒飯」非常好食，所以點都要食一碗。果然不失我所望，米飯粒粒分明而且入味，仲有鮑魚粒喺裏面，口感豐富。
近日嘅新聞可能都會影響大家出街食飯嘅意欲，但希望大家唔好錯失一啲喺觀塘工廈嘅好餐廳。
張貼
