四川重口味

營業中

休息中

最近發現筲箕灣開咗依間川菜餐廳嘅新分店，嗜辣嘅我就即刻相約朋友去聚一聚順便去試吓。食辣一定會諗到酸菜魚同水煮魚，今次就揀咗招牌酸菜魚。桂花魚軟嫩無刺，湯底酸菜味好出之餘仲有薯粉係底。前菜嘅選擇超多，其中古法牛心頂我超愛，薄薄一片但口感十分過癮，超爽脆，真係大推！夫妻肺片都係必點，切得大大片，味道香辣入味呢！萵筍我都好鍾意，所以點咗碟份量幾多嘅腩肉炒萵筍。另外藥膳醉雞煲都好吸引，湯底濃濃藥材味，雞肉唔柴又足料！最後不少得點碗桃膠冰粉作甜品，口感清甜又有解辣作用啊！貼心位係菜式都可以選辣度，怕辣或嗜辣嘅朋友都可以照顧到。環境又闊落，好適合親友聚會啊！