Soi.29

營業中

休息中

🐑生蝦刺身，蝦新鮮爽彈冇得彈，用嚟點蝦嗰個汁有魚露、青檸、蒜頭、辣椒，辣椒份量尤其多，所以超辣，不過辣得好過癮😋。🐑燒牛肉，絕對有燒烤炭香同埋蜜糖味，泰國風味十足，呢度嘅燒牛肉可以點幾多成熟，我哋叫四成，就堅係四成，牛肉燒得粉嫩多汁，燒烤時間掌控好好，灑咗黑椒上肉面，更另添一番美味。牛肉部位係肉眼，有肥、有瘦、有筋，選料唔錯。🐑醉貓炒河係每次嚟呢度嘅必點菜式，蒜蓉、洋蔥、青椒超惹味，每食到爆汁嘅車厘茄都有煥醒味蕾嘅感覺，肉碎一粒一粒鋪喺每塊闊闊、充滿豉油香而又煙靱嘅河粉上，絕對係惹味之作。