醉翁燒鳥 (已結業)

太子地鐵站一出行一分鐘就會到達呢間新開業嘅居酒屋，店內設有半開放式嘅卡位，私隱度高，適合朋友聚餐，店員嘅服務態度非常好呢。𖦹 自家製泡菜 $0自家製泡菜小食入口唔辣，超爽口，夠曬開胃。𖦹 櫻花蝦半熟蛋爆彈 $48溏心蛋外脆內軟，炸衣有啲櫻花蝦，很惹味，蛋黃呈半流心狀態，有啲似scotch egg 。𖦹 鹽釜原隻鮑魚 $168上枱時成個頭盔咁，原來係個鹽蓋，店員會將佢點燃，用匙羹敲開，就會見到用昆布葉包住嘅鮑魚真身啦。鮑魚大隻厚肉，已經切開咗一片片方便食用，帶淡淡醬油、昆布香味，係頭尾位置會比較鹹。𖦹 立鱗炸甘鯛 $98以油浸泡魚皮令魚鱗炸至豎起，極為香脆；魚肉嫩滑富海苔香。擺盤非常精緻，後面仲有棵花樹。𖦹 自家製免治雞肉 $38如果多啲軟骨口感會更好～𖦹 牛舌 $68 偏厚身幾香口，有一嚿比較韌。𖦹 香茜豬肉卷 $38芫荽控必食！以豬肉片捲住爽脆嘅芫荽，食落充滿濃郁嘅芫荽香。𖦹雞翼 $38以鹽作簡單調味，雞肉燒得恰到好處。