影片
更多
2019-07-17
51 瀏覽
今晩真係有口福喇，好友話要慶祝搵到份新工，嚟海港城嘅羲和雅苑食餐好嘅！😋😋餐廳外望嘅景色真係一流，餐廳內大部分座位可以近距離望住維港景色，咁啱天氣幾好，走出露台更可以乘著微風欣賞香港夜景嘅醉人景致。☺️☺️室內裝修走新派中式設計，無論吊燈或牆上嘅壁畫都各有特色。嚟到，當然唔少得點我最期待嘅「爆炸糖烤鴨」啦！感覺新奇又過癮！首先廚師係我哋面前即席將鴨皮及肉逐少逐少切割，將不同部位分成三碟。上菜後，服務員詳細咁介紹每一碟嘅配搭及食法。第一碟是鴨胸皮，服務員建議配搭藍莓醬及爆炸糖一起食用。第二碟是鴨胸肉，建議配搭黃芥末醬。第三碟是連皮帶肉嘅鴨腿肉，建議配自己喜歡嘅材料，如青瓜、蔥絲、洋蔥花、山楂條等，加埋醬料，用傳統食法，以薄餅皮包住食。店員介紹烤鴨食法時，勾起好多兒時回憶，感覺就好似睇返以前一套叫「伙頭仔昆布」嘅卡通片，每次伙頭仔昆布都會詳細介紹創新食品嘅食法，食完之後就會興奮得邊衝上天、邊高呼「好好味啊！」今次食爆炸糖烤鴨嘅體驗就好似重拾返呢種衝擊味蕾嘅感覺嘞！另外，我地仲點左和牛粒干煸口蘑、干鍋菜花、焗芝士大蝦、紅燒獅子頭、松茸素佛跳牆及粟米魚肚羹。🔸和牛粒干煸口蘑和牛肉粒又香又淋，口蘑味
餐廳外望嘅景色真係一流，餐廳內大部分座位可以近距離望住維港景色，咁啱天氣幾好，走出露台更可以乘著微風欣賞香港夜景嘅醉人景致。☺️☺️
室內裝修走新派中式設計，無論吊燈或牆上嘅壁畫都各有特色。
嚟到，當然唔少得點我最期待嘅「爆炸糖烤鴨」啦！感覺新奇又過癮！
首先廚師係我哋面前即席將鴨皮及肉逐少逐少切割，將不同部位分成三碟。
上菜後，服務員詳細咁介紹每一碟嘅配搭及食法。
第一碟是鴨胸皮，服務員建議配搭藍莓醬及爆炸糖一起食用。
第二碟是鴨胸肉，建議配搭黃芥末醬。
第三碟是連皮帶肉嘅鴨腿肉，建議配自己喜歡嘅材料，如青瓜、蔥絲、洋蔥花、山楂條等，加埋醬料，用傳統食法，以薄餅皮包住食。
店員介紹烤鴨食法時，勾起好多兒時回憶，感覺就好似睇返以前一套叫「伙頭仔昆布」嘅卡通片，每次伙頭仔昆布都會詳細介紹創新食品嘅食法，食完之後就會興奮得邊衝上天、邊高呼「好好味啊！」今次食爆炸糖烤鴨嘅體驗就好似重拾返呢種衝擊味蕾嘅感覺嘞！
另外，我地仲點左和牛粒干煸口蘑、干鍋菜花、焗芝士大蝦、紅燒獅子頭、松茸素佛跳牆及粟米魚肚羹。
🔸和牛粒干煸口蘑
和牛肉粒又香又淋，口蘑味道香濃，爽口彈牙，配埋紅黃椒，食落好清新。
🔸張氏獅子頭
醬汁濃濃的，相比平時上海館吃到的較淋身，如果平時鍾意食「老少平安」嘅，相信會很喜歡，配埋米飯一起食，充滿幸福感。
🔸牛油芝士焗大蝦
芝士味濃，大蝦預先開了邊，吸哂香濃芝士嘅醬汁，蝦肉爽口彈牙，好滋味！
🔸干鍋菜花
菜花爽脆，肉味咸香四溢，非常惹味，辣味剛剛好，刺激味蕾，好開胃。
🔸松茸素佛跳牆🔸粟米魚肚羮
材料非常豐富，前者每一口都食到滿滿嘅松茸及黑木耳，而後者每一口都有滿滿嘅粟米及魚肚。
總括而言，論環境及服務質素，值得推介。
張貼
