DHYC Dimsum Restaurant

營業中

休息中

🥢今次二訪呢間超特別點心專門店，室外座位吾單止寵物友善，仲有無敵海景，最適合同朋友慢慢飲杯茶食個包，欣賞海天一色的景致😆 每枱室外座位都有部風扇，炎炎夏日都吾使怕。☕️陳皮普洱茶$15/位淡淡茶香，相當解膩，另外都可以加小小錢轉特色茶飲，豐儉由人。🥚鵪鶉蛋松露燒賣必食！新鮮豬肉整成，好彈牙。入面仲包住流心鵪鶉蛋🤤🦀韭菜金錢蟹盒好特別，炸到卜卜脆。韭菜餃入面個仲有絲絲蟹肉！韭菜味幾濃，但都食得出蟹肉鮮味。🍞焗叉燒包見到差不多每枱都有叫，菠蘿皮好鬆化，麵包鬆軟，叉燒肥瘦適中，熱辣辣外脆內軟。🐮牛肉球餐廳堅持用每天到店的新鮮牛肉，到店自己碎肉，真係食得出100%牛肉，有水準👍🏻🍤鳳梨咕嚕蝦球咕嚕蝦球好大粒，隻隻爽口彈牙，份量都幾多。個汁酸酸甜甜，加上新鮮菠蘿同三色椒,好睇又好食。🫔紫菜鮮蝦腐皮卷腐皮炸得超脆！好特別中間用左紫菜，紫菜味幾突出，鮮蝦真係好新鮮👍🏻🌟🌟總括黎講，呢間餐廳真係環境一流，真係要得閑黎飲茶拉。