老北京 (渣甸中心)

營業中

休息中

近年多左好多香港人特登上深圳去食酸菜魚，突然癮起，但無奈工作不容許你話走就走，去搵下香港的小店有無得過下癮先。酸菜魚在香港都不是一個常見的菜式，只多見水煮魚為主。來到銅鑼灣的老北京，是地道北京人開的。一入去熱鬧非常，都坐了八成滿。開茶，店員問想飲乜，竟然有菊花揀。不枉比了十幾蚊茶錢。餐廳以家庭式為主，麻雀雖小，但菜式選擇十分多。干鍋四季豆我都好鍾意乾鍋系列的菜式，貪佢夠香口，少少辣加上鑊氣，送飯一流。小店分店有土豆和耶菜花，我就揀了四季豆，加上紅椒青椒和洋葱，好香口！又不會過辣，所以想刺激下味蕾的可以一試！酸菜魚一上枱大份到傻眼。滿滿的一大碗酸菜魚！魚都算滑溜，無乜骨！加左少少紅薯粉，二人絕對夠食！酸菜都好多，不過如果再香d就更好！雖不是100分的滿足，但吃到這些小店的質素不比大型餐廳差，這種感覺卻是無價。