禾璽牛肉海鮮火鍋

營業中

休息中

去咗禾璽打邊爐，餐廳分咗上下兩層，座位寬敞，環境光鮮企理。🥢 小酥肉小酥肉炸得香脆，調味啱啱好，點埋啲茄汁/七味粉一齊食，香口惹味👍🏻 🥢 貴州酸湯魚鍋我哋揀咗呢個酸湯魚鍋做湯底，酸酸辣辣，好開胃，啲味道有少少似冬蔭公🤭條魚好大條，肉質滑嫩啖啖肉，完全冇細骨，食得安心又滿足。飲湯嘅時候，仲有啲魚肉嘅鮮甜味滲出嚟，真係非常正！ 🥢 高鈣羊叫咗細份嘅份量都幾多，肉味濃郁，煮完之後入口嫩滑，羶味十足，愛羊之人必點之中！🥢吊龍油花分佈均勻，煮完仲保持到軟嫩口感，肉味好香，食落真係幾滿意。 🥢招牌脆皮雞切到細細條，肉質爽口，口感幾特別，唔錯👍🏻🥢蝦仔油條油條外皮炸得夠脆，內層吸滿湯底嘅酸辣味， 再加埋上面嗰層厚厚嘅蝦滑，口感同味道都好豐富，真係好有驚喜，呢個配料非常推薦！ 🥢蔬菜菌菇拼盤勁多份，總類又多，啲菜都新鮮，打邊爐啱曬。