松記糖水店

營業中

休息中

我哋一行四人食完飯諗住食個糖水，上網搵見到有間松記就行去試吓！平時去開深水埗嗰間，點知今次第一次嚟觀塘依間就失望😞食到一肚氣！！我哋每人叫咗一款糖水，我哋三個嘅糖水都ok.. 無乜特別出色或特別差，點知第四碗糖水就出事⋯⋯朋友叫咗個雪糕涼粉，食咗兩啖就食到酸嘅涼粉，再比我個朋友試，朋友都話係酸咗，壞咗，所以就同個職員講酸咗，叫佢換個碗，點知佢話廚房師傅試咗廚房嘅涼粉係無問題，所以佢將收起嗰碗酸咗嘅涼粉原碗比返我朋友，額外用隻碗裝咗少少仙草，叫我朋友如果覺得涼粉酸咗就𢳂走佢，加返d 仙草落去😱😱😱我哋話酸咗即係壞，咁𢳂走就當無嘢？加返仙草落去咁都得？之後我朋友激到叫佢退錢企咗出門口等，剩返我哋三個快快趣食埋碗糖水就走。。人均消費$50，咁嘅質素同服務態度。。真係唔會有下次。。。