松記糖水店

營業中

休息中

今天天气好热 经过一家连锁店直接进去点了一碗雪芒杨枝甘露，一碗榴莲雪山。餐牌里有特别多的选择！水果 汤圆 椰皇组合 看着都好好吃 都想点一遍 真心觉得很不错的一家糖水环境很干净下次还要点

食完飯想話食甜品，搜尋平台見好耐無食松記諗住試下，以前食過都可以。結果今次落單黎到一睇，材料超級唔新鮮，紅豆同芋圓睇個樣都唔開胃，仙草一睇就知係開罐頭，總之好難食，唯一優點就係上得快，落單完兩三分鐘就送到（都唔知算唔算係好事，因為咁樣表示所有野都係預先整好擺係度）。服務方面：完全無服務可言，員工掛住傾計玩電話同食野，我地由入間舖到離開唯一就係聽到一句「38蚊」，多謝都無一聲。反正唔會再番轉頭。

係我食過最難食嘅芒果班戟 班戟個皮係米黃色 賣相差 有黑色一點點好似污糟咗好似發霉咁 啲忌廉勁厚勁油 芒果係酸 勁唔開胃 食到想嘔 芒果糯米飯啲糯米好似喺你阿婆屋企冇洗嘅電飯煲度煲咗兩日 有陣味 係我食過最難食嘅糯米飯 食過最難食嘅港式甜品 芒果小丸子啲小丸子係硬嘅 好似係冇解凍就煮 成碗勁酸完全食唔落口

松記名物 Summer2球雪糕+水果墊底+大西米雪糕口味可以自己揀，朱古力味雪糕有朱古力碎係入面🍫🍫水果有西瓜🍉芒果🥭密瓜🍈哈密瓜大西米好有口感，好煙奀配埋芒果汁底+花奶

番薯糖水加湯圓嘅湯圓粗鞋不軟滑，芝麻饀又唔香滑。杏仁糊無香味，開粉都仲要開到一舊舊，全部都係預製，只係微暖，價錢又貴，franchise 都需要品質控制㗎！誠意欠奉！

作為觀塘友都知條街有兩間糖水舖，一間長期都多人一間冇乜客，有次行過呢間門口姐姐同我招手，我本住中式糖水死甜冇技巧嘅心態幫襯咗一次如是者今日做冬想買個湯丸，兩間都多人嘅情況下又諗起佢平時冇乜客叫咗5粒湯丸等咗半粒鐘，見到佢地踢晒腳問句，回應係湯丸要煮，結果繼續喺門口吹風，如是者等多15分鐘發現唔對路，入去見到外賣台一台都係湯丸，我又問佢點解未得，佢又係答我湯丸要煮，然後我指一指台面後我10個no.嘅湯丸點解佢地呢D又煮好結果樓面妹妹入廚房兩分鐘後湯丸突然又煮好了平時去開多人果間，收銀姨姨好清楚話我知邊D要等邊D唔使等起碼唔使個客無啦啦白等可能大家覺得只係個別例子至於食物質素方面大家睇其他食評我都唔多講祝生意興隆，我幫襯不了

我哋一行四人食完飯諗住食個糖水，上網搵見到有間松記就行去試吓！平時去開深水埗嗰間，點知今次第一次嚟觀塘依間就失望😞食到一肚氣！！我哋每人叫咗一款糖水，我哋三個嘅糖水都ok.. 無乜特別出色或特別差，點知第四碗糖水就出事⋯⋯朋友叫咗個雪糕涼粉，食咗兩啖就食到酸嘅涼粉，再比我個朋友試，朋友都話係酸咗，壞咗，所以就同個職員講酸咗，叫佢換個碗，點知佢話廚房師傅試咗廚房嘅涼粉係無問題，所以佢將收起嗰碗酸咗嘅涼粉原碗比返我朋友，額外用隻碗裝咗少少仙草，叫我朋友如果覺得涼粉酸咗就𢳂走佢，加返d 仙草落去😱😱😱我哋話酸咗即係壞，咁𢳂走就當無嘢？加返仙草落去咁都得？之後我朋友激到叫佢退錢企咗出門口等，剩返我哋三個快快趣食埋碗糖水就走。。人均消費$50，咁嘅質素同服務態度。。真係唔會有下次。。。

第一次試觀塘松記，外賣叫咗一碗凍芝麻糊和一碗腐竹雞蛋加兩粒湯丸... 芝麻糊好稀，似加咗好多水，而且太苦，無口感，唔似糊，係芝麻水。以為腐竹雞蛋會好少少啦，點知都係好失望，真係未食過咁奇怪嘅腐竹雞蛋，完全無腐竹味，黃黃地一碗，顏色已經奇怪，食落更奇怪。心諗好彩有加兩粒湯丸，一開始以為有少少安慰。咬落去，唉，都係伏，湯丸皮稔到似乎浸咗一晚，奶黃餡都無所謂，但成個咬落去，就好似食緊一個迷你浸水奶黃包，最後連粒雞蛋都係淡嘅...希望店家可以用心煮返好少少，起碼要對得住每日所用嘅食材啊。

夜晚成日都有好多人排隊食松記， 今次中午黎食，唔洗等，直接入座。餐牌上有好多選擇，睇到眼花瞭亂，最後叫左個芒果小丸子豆腐花，價錢合理，份量多，芒果大大塊，豆腐話都幾香滑，整體黎講，味道不過不失。

將雜果芋圓仙草凍發揮到世界級水準，啲紅豆擺左雪櫃解凍再放返入雪櫃重覆幾日果陣雪櫃味；啲雜果有蜜瓜（淋得黎冇味），哈蜜瓜（爽得黎又唔知放左雪櫃幾多日），西瓜（冇味得黎唔甜唔爽有啲硬，芒果（淋既但比起其他已經叫大鑊全勝），珍珠（放耐左果種外散內實既質感），芋圓最有誠意暖既可惜浸左係薑糖水道唔知幾耐但可能係特色，啲仙草質地硬硬地好似啫喱一咬散修修個感覺好嘔心；食完好想嘔🤮好似將所有就黎要倒落垃圾桶既野放入口

觀塘既糖水店原來不太多，看了一遍openrice發現傳統一點既糖水店就得呢間近裕民坊的《松記》點了一個芋頭紫米露芋圓湯圓$47，另凡惠顧可以$10加配兩粒擂沙湯圓，點知無認真望下圖片，到上枱先發現同記憶中既擂沙湯圓不一樣，少許失望，記憶中既擂沙湯圓係乾身的，湯圓沾上花生粉，呢個有少許似湯圓版糖不甩，雖然花生係幾香的俾大家參考返

好多次行過都見到要排隊等位，最近去過兩次都唔使等，甜品糖水好高質，擺盤都靚，味道都好好，款式超級多，價錢又唔算好貴，係晚飯後好去處，不過最搞笑嘅係落單講想要啲咩，員工堅持要我講英文編號，我要喺本餐牌書仔入面搵返個英文編號俾佢，無言。

出錯曬單 仲要電話打唔通 個電話都唔知攞黎做咩 掉咗佢啦 ！！！嚴重非常唔推介大家食呢間 出錯晒都算 出錯嗰個餐應該係有芋圓，但係連芋圓都冇！！！唔會再有下次！！！救命，非常唔推介！！！

在觀塘區晚飯完畢，意猶未盡，想吃糖水。諗起有間松記，就行過來。以前去親松記都好多人，門口排晒隊，今次嚟到，只有一半人左右，輕鬆入座。餐廳嘅職員對客人沒有很友善，都是一副不憂做的咀臉。他的店舖不大，有一個閣樓，我之前也曾經試過坐在上面閣樓，因為以前很多人，都會坐滿。其他人吃的糖水，我沒有嘗試，所以就不能評論，我自己點了紫薯芋圓仙草凍。這個糖水，我在其他分店已經食過很多次，但是松記不知是不是每間味道不同，觀塘這一間特別甜，而且他來的時候是沒有奶，乾的，我問他可不可以加點奶（因為食開都有）才幫忙加了。芋泥好像是雪了很久似的。總結：職員態度比較不親切，糖水味道一般。而且又坐得不舒服，很迫夾。價錢以前很便宜，現在已經追上其他甜品店，性價比低。觀塘店絕對不會回頭了。

食完晚餐11點幾想食甜品糖水大部份舖頭都閂門好彩仲有呢一間未款式都多有中式蓮子紅豆沙綠豆沙又有西式西米露pancake 上菜速度又快係坐位，有啲迫但味道唔差街坊甜品舖