Bayfare Social

營業中

休息中

今日放飯想搵間平民得黎又享受既餐廳，聽朋友講rosewood 入面有間好正既餐廳，所以就黎左試下。一入到去，完全已經覺得佢既服務態度真係好好。因為我今日有啲唔舒服，本身佢問我要咩水時，我都係循例講聲要tape water，但係佢見到我禁住個肚，佢就主動問我話不如比warm water我，真係好貼心。之後嗌咗個細既海鮮飯，都係百零蚊到，唔講咁多，睇下幅圖就知👇🏻味道調校得啱啱好，而且啲蝦係爽口又彈牙，份量又唔會好多，一個lunch係岩岩好。另外仲叫咗份甜品，係呢度幾出名既churros，真係黎到食飯一定要叫佢。佢既朱古力醬好濃又唔甜，令我諗返起西班牙既日子。churros炸得岩岩好，外脆內軟，入面食到個包係好濕潤嘅感覺，而出邊好鬆脆，點埋朱古力醬就perfect池。聽講呢度嘅cake都係好好食，不過今次就冇機會試啦。最後埋單計算只不過係每人二百幾蚊，但係食到嘅嘢好高質，環境亦好適合同朋友聚會。