Cruise空中餐廳及酒吧

營業中

休息中

5月尾一班朋友去呢間餐廳食晚飯，我哋分開兩枱座，叫咗好多菜。呢到主打偏西式泰菜，每檯放有一碟蝦片，可以refill, 適合配搭作為飯前飲下野嘅小食。前菜，泰式海鮮沙律，真係幾辣，好惹味，食唔停口。沙嗲雞肉串，肉質鮮嫩同燒得剛好。油甘魚刺身，我唔太好刺身，感覺麻麻。泡菜炒飯同蛋炒飯，每碟分量一人份，冇特別。可惜呢度冇其他泰式炒粉麵飯，冇其他可選。主食有曳曳馬沙文，呢個其實係沙嗲牛面頰肉，肉質鮮嫩，沙嗲重花生味惹味。自由鳥其實係燒雞胸，不推介，好乾同埋鞋。炒鱸魚，正，有中式糖醋魚感覺，炸得脆脆，甜品冇乜特別，我也沒有吃，朋友說普普通通，不推薦。有戶外地方可以坐，望到海景同酒店房景。