影片
更多
2007-12-18
7 瀏覽
首先,我要講,我都係由十年前起係呢家我地叫"米線舖"既常客,果時同2-3個老友,一去果頭買野/做面,就一定要係呢度食,無論係叫一客過橋share,定係叫個汽鍋雞,都好ENJOY.今日探完母親,因為見到米線舖咁多劣評,就想專程去食一次,然後上來呢度幫佢平反.經過大慶燒味店,買左乳豬,一路想:"下,返家整個出前一丁加乳豬好正喎!"不過已經行到,就想:一定要去食下,然後幫佢平反至得."咁就入去啦,一入,嘩,以前7-8點一定座無虛席,要等,OR有人企門外等位,乜而家咁多位,而且仲好疏.我一坐就要左個"過橋".因佢係最好食既,而且係最經典既米線食法,將D生菜及肉倒入好熱好滾既湯中食.有位比較細粒既阿姐將一碟餸及一碗冇湯既淨米線取來,我睇左睇,發現碟餸比我食開少左好多,得三片生菜及幾片火腿,幾片腩肉,我有D比人昆既感覺,我就叫拎來個阿姐來,問:阿姐,乜少左咁多既. 我預左佢可能話:乜都貴左呀,係咁架啦,生意難做.....點知佢好大聲咁話(真係好大聲,好似罵人果D聲線):碟碟都係咁架啦!你想幾大呀? 我話:我以前食果時冇咁少野既.佢更大聲話:咩呀?你幾耐來食過呀?呢D公司規矩,我照做咋喎!你想點呀而
今日探完母親,因為見到米線舖咁多劣評,就想專程去食一次,然後上來呢度幫佢平反.經過大慶燒味店,買左乳豬,一路想:"下,返家整個出前一丁加乳豬好正喎!"不過已經行到,就想:一定要去食下,然後幫佢平反至得."
咁就入去啦,一入,嘩,以前7-8點一定座無虛席,要等,OR有人企門外等位,乜而家咁多位,而且仲好疏.我一坐就要左個"過橋".因佢係最好食既,而且係最經典既米線食法,將D生菜及肉倒入好熱好滾既湯中食.
有位比較細粒既阿姐將一碟餸及一碗冇湯既淨米線取來,我睇左睇,發現碟餸比我食開少左好多,得三片生菜及幾片火腿,幾片腩肉,我有D比人昆既感覺,我就叫拎來個阿姐來,問:阿姐,乜少左咁多既. 我預左佢可能話:乜都貴左呀,係咁架啦,生意難做.....點知佢好大聲咁話(真係好大聲,好似罵人果D聲線):碟碟都係咁架啦!你想幾大呀? 我話:我以前食果時冇咁少野既.佢更大聲話:咩呀?你幾耐來食過呀?呢D公司規矩,我照做咋喎!你想點呀而家?
我心想:有冇搞錯,比人咁呼喝,我唔大聲D都唔得,就話:"我話你知呢間野我由細食大.仲有網上好多人話你差左招呼差我都唔信,而家來一來先至信,唔怪得少左咁多客!你叫你老闆來"佢仲好大聲:咁你而家想點丫?坐我同桌的一男一女都唔抵得,話:"係架呢個阿姐係零舍差既D態度".我心想:你D野都來左,我唔通叫你加大你就會加咩?就對住佢話:我而家要食野! (即是叫佢收聲)同桌的女士就話:"丫乜網上有呢D渠道既咩?等我都寫衰佢呢間野."
此時,有另一位女伙計(一定是伙計)走來,細細聲,都好客氣咁安慰返我,我就話叫佢叫老闆來,佢指住一位女士(坐收銀)話:呢個咪老闆娘囉. 我就心想:你睇住我嘈左咁耐都唔主動過來了解,反而你個伙計仲快過你.我就冇興趣同佢反映.我同同桌既女士話:我試下佢D米線先,如果差左,我一定寫衰佢!
我而家係度講米線真係冇差,都係咁好,D食料都仍然好新鮮好味(D豬潤就差左),不過個熱湯就重左味精,以前好天然,而且冇以前咁滾熱.
不過,我唔會再來,至少一段時間內唔會,都係因為果個阿姐態度,可能佢平時講野係咁大聲,不過都唔使咁掘咁潑婦,我係食客來,雖然呢度唔係高級食店.
雖然有另一位阿姐(粗眉,比較高)來下我火,不過都補唔到我既失望.
張貼