三鍋

營業中

休息中

疫情好轉咗， 咁當然我最鍾意嘅就係去啲開行冷氣嘅餐廳打邊爐， 咁我朋友就介紹咗呢間餐廳畀我哋， 入到去其實都唔算太多人，因為我哋真係幾早入去食， 而且入面都算既寬敞同舒服。 咁個湯底我哋就叫咗香茜皮蛋鍋底， 其實呢個都幾清我都幾鍾意，因為咁你先至可以食到食物嘅鮮味。香脆魚皮: 呢個魚皮其實我覺得都還可以都幾脆，不過我自己覺得就細塊咗啲， 作為餐前小食其實算係ok的。淮山麵： 咁自己叫咗呢個淮山麵其實呢個淮山面我覺得都幾抵食 因為唔算話太貴而且去畀兩個麵底你當你煮完個淮山麵嘅時候我自己都覺得幾大分， 其實面都幾幼細， 如果想飽肚啲大家可以叫呢個面。手工鮮蝦水餃和手工家鄉韮菜餃: 呢個我覺得幾新鮮同埋皮薄餡靓， 而且呢兩款餃我覺得都幾大舊同埋真係幾飽肚的 ，所以我特別鍾意呢啲手工整嘅餃， 我覺得呢兩個餃係我下次必點之選。西班牙黑豚梅肉：咁佢呢個豚肉味道就幾有鮮肉味， 而且佢啲豬肉肉質都幾好，幾有咬口，而且都唔係太UN， 而且都算幾快熟， 唔鍾意食牛嘅朋友可以試下豬。最後如果大家鍾意打邊爐嘅話，可以試下呢一間，其實食物質素我覺得都ok。