劉森記麵家 (褔榮街)

營業中

休息中

基本上每年都總會去一次劉森記，每次都係會叫同樣嘅兩款麵，嘉欣都充滿着童年嘅回憶。不過唔知道，係自己越大把口越叼，定係個水準真係比以前下降左，硬係覺得冇以前細個食嗰種味道。都好食嘅，不過就冇以前咁好食。冬菇蝦子撈麵冬菇嘅味道同以前一樣，又香又甜，而且都係好炆得都好夠火候。蝦子嘅感覺冇以前咁香，同埋好似淡味左。麵底就好明顯冇以前咁好食，或者係師傅煮麵手勢問題，比較偏淋身冇咁爽口彈牙。個湯底都仲係好清甜嘅雲吞麵雲吞依然出色，鮮味十足，咬落去好多汁，蝦同豬肉粒粒分明，令人回味。麵底嘅感覺，都同冬菇蝦子撈麵一樣，好似煮耐左，偏淋身。兒時嘅味道同回憶中嘅質素，希望下次嚟可以食得返。