影片
更多
2022-06-20
2625 瀏覽
.📍彩繪軒📍#饅頭去荃灣 #饅頭的港味道 #饅頭食中式菜 #饅頭食麵包------------------------------1️⃣ 潮鹵滑豆腐 ($35)表層煎到淡黃，食到先煎後滷嘅鞋身軟淋脆皮，內裏非常順滑🤪，豆香都夠重。醬汁味道有啲似日本照燒汁，唔會好甜，幾啱我口味，配埋少少蒜香同爽口嘅紫菜，每一啖嘅口感同味道都好豐富，值得一試。◾評分：8.0/10------------------------------2️⃣ 准香椒鹽白飯魚 ($45) 脆漿幾均勻，炸得ok香口，咬落去唔會甩皮甩骨；調味方面椒鹽香偏淡，唔太重手，加上粉漿偏厚，食多幾嚿就會覺得油膩☹，而且白飯魚好薄肉，整體食落有啲乾身，冇乜外脆內軟嘅口感。未至於差，但感覺對唔上呢個價錢。◾評分：6.8/10------------------------------3️⃣ 龍皇野菌腸 ($30)外型有啲似炸兩，外面係一層好薄嘅腸粉皮，腸粉皮營剔透，拉得夠滑，食落冇粉得嚟又有少少米香同軟韌👍🏻；中間有一層脆卜卜嘅春卷，餡就有一梳梳實淨嘅魚柳同埋超多雜菌😍，濃厚嘅野菌香同魚柳嘅鮮味都好夾，整體食落去會出咗三種口感，有幾分似食炸兩，但冇乜
📍彩繪軒📍#饅頭去荃灣 #饅頭的港味道 #饅頭食中式菜 #饅頭食麵包
------------------------------
1️⃣ 潮鹵滑豆腐 ($35)
表層煎到淡黃，食到先煎後滷嘅鞋身軟淋脆皮，內裏非常順滑🤪，豆香都夠重。醬汁味道有啲似日本照燒汁，唔會好甜，幾啱我口味，配埋少少蒜香同爽口嘅紫菜，每一啖嘅口感同味道都好豐富，值得一試。
◾評分：8.0/10
------------------------------
2️⃣ 准香椒鹽白飯魚 ($45)
脆漿幾均勻，炸得ok香口，咬落去唔會甩皮甩骨；調味方面椒鹽香偏淡，唔太重手，加上粉漿偏厚，食多幾嚿就會覺得油膩☹，而且白飯魚好薄肉，整體食落有啲乾身，冇乜外脆內軟嘅口感。未至於差，但感覺對唔上呢個價錢。
◾評分：6.8/10
------------------------------
3️⃣ 龍皇野菌腸 ($30)
外型有啲似炸兩，外面係一層好薄嘅腸粉皮，腸粉皮營剔透，拉得夠滑，食落冇粉得嚟又有少少米香同軟韌👍🏻；中間有一層脆卜卜嘅春卷，餡就有一梳梳實淨嘅魚柳同埋超多雜菌😍，濃厚嘅野菌香同魚柳嘅鮮味都好夾，整體食落去會出咗三種口感，有幾分似食炸兩，但冇乜油，點埋豉油就更加正，呢個組合都幾新鮮。
◾評分：7.9/10
------------------------------
4️⃣旋風黃金流沙包 ($30)
一款需要喺白麵糰到鋪上一層由竹炭粉造成嘅麵糰，再反復砌出黑白螺旋型層次，，都幾花點心師傅心思💁🏻♀️。可惜包略為乾硬，唔夠鬆軟，咬咗一啖之後久久不能回彈。好在黃金流沙餡料相當有爆漿感💯，一咬開係好澎拜咁湧出嚟，鹹蛋黃香味四溢♥️，暖粒粒又唔會甜到漏，但奶黃味就唔算香濃，如果咸蛋黃嘅顆粒感再出啲，口感上會更加豐富。
不過而家好難搵到好食嘅流沙包，餡料唔係太凝固唔流心，就係冇蛋黃味，完全就係奶皇包，所以我已降低要求，有流心就已經非常感動。
◾包體：3.1/5
◾內在餡料：3.9/5
◾評分：7.0/10
------------------------------
5️⃣芝心海皇千絲春卷 ($33)
外層係用上麵條絲嚟包，千絲金黃細緻，入口香脆😋，唔會過份鬆散；內有鮮蝦粒同帶子粒，口感未至於好彈牙，但鮮味幾出，再夾入少少溶咗嘅芝士同菇菌碎增添香濃，食到外脆內流心同外香內鮮味兩個口感層次😍。
◾評分：7.5/10
------------------------------
6️⃣ 薑蔥蝦子炆淮山麵 ($70)
蝦球大大粒，份量頗，每粒都爽口彈牙，食到少少甘甜；淮山麵麵身夠乾，麵質偏淋，但唔會一夾就斷，有啲嚼口，豉油上色均勻，韭菜同芽菜，炒得非常之香🤤，鑊氣同味道都足夠，唔會太鹹太油膩。但整體感覺似食緊豉油王炒麵🤔，叫做合格之上，可以一試。
◾評分：7.4/10
------------------------------
🔸整體評分：7.5/10
🔸小編回頭率：7/10
連鎖集團茶樓嚟講食物品質都算唔錯，價錢合理，都坐得舒服，而且唔係藍店，實在諗唔到去邊度飲茶，呢間都ok。
張貼
