陸羽茶室

營業中

休息中

聽過陸羽好耐，終於同屋企人去飲下早茶，因為平日朝早，客人唔多，我地上左二樓，啲舊茶樓，做熟客生意，佢地係一樓對住熟客態度殷勤，有講有笑，上到二樓對街客無咩表情，態度唔好都預左。比左點心紙佢，順便同佢講埋要多隻杯(有禮貌咁講埋唔該)，佢望住我，但無反應，我(覺得)佢聽到，咁就無講多次，點知一直都無拎黎，佢上埋點心，都未比杯，我就順便講多次(再次有禮貌講唔該)，點知佢黎到唔係"放"低隻杯，而係好大力咁"鋤"落張枱度，雖然我一開始己經見到佢行過黎，再(放)隻杯，但個下真係嚇親。而且食物都唔係特別好，豬潤燒賣塊潤真係好硬，咬左好耐先吞到，义燒包都無咩特別，其他點心都只係平平無奇。