米走雞Deluxe (已搬遷) 新店位置

米走雞喺太子同長沙灣既店鋪都幾出名，但我主要經常喺港島所以都未試過呢個品牌既食物。當我知道銅鑼灣都有分店既時候，最近終於搵到朋友同我去食。朋友話芝士雞煲好邪惡，所以要叫番個菜食，最後佢叫左半份娃娃菜($24/半份)。朋友同我打邊爐都喜歡叫麵，我地分別叫左稻庭烏冬 ($21)同出前一丁 ($16)。最期待既畫面出現了！黃金芝士雞煲 ($178/小，$238/大)。小同大既分別就係小係for 2-3人而大就係for 4個人，咁我同朋友得2個人就當然叫個小架啦。不過我同朋友同樣覺得雞件既份量都唔少，我同朋友都夠飽。芝士分量可以揀無/少量/普通同激量，圖中就係普通分量既芝士。芝士帶鹹香，雞既肉質都算鬆軟。特級雪花肥牛($158/小)上圖就係特級雪花肥牛，輕輕灼一會兒就食得。食完雞煲之後顧客可以加湯打邊爐，醬料費$14/位，加湯可以加芝士湯或者清湯，而客人如果喜歡辣更加可以加麻辣湯去打邊爐。