麺屋こころ (新城市廣場一期)

營業中

休息中

一直都好鍾意食撈麵，但係香港好少正宗日式撈麵，朋友介紹，話呢間日式餐廳好出色，咁就一於嚟試吓啦。一嚟到已經見到呢度嘅客人好多，新城市廣場已經咁多好嘢食，但係呢度都坐滿，咁就知道呢度一定好好食啦。本身就係為咗熔岩芝士撈麵而嚟既，一上枱果然冇令我失望呀！賣相好靚好適合打卡，上面嘅一隻蛋簡直係畫龍點睛，朋友唔鍾意食撈麵都忍唔住係咁影相。隻蛋非常流心，拎嚟拌麵啱啱好！除咗流心蛋之外，佢仲有好多芝士同埋肉碎，拎黎撈麵真係一流。除咗蛋之外，佢既面質都好掛汁，鍾意食芝士或者撈麵嘅人都一定要嚟試吓啊。呢間餐廳除咗沾麵好食之外，環境都坐得好舒服，非常推薦大家獨食或者同朋友一齊嚟試吓。