影片
更多
2020-04-05
3896 瀏覽
一直都有心癮去試晒香港所有米仔三星餐廳。作為香港唯一一間三星日本餐廳，好期待去品嘗。準時到達，環境同日本食omakase嘅餐廳一模一樣，服務員非常有禮同細心。頭盤蒸鮑魚配自家制鮑魚乾醬係招牌菜。值得一讚係鮑魚質感非常鬆軟，同時保留到鮑魚嘅鮮味，配上似蛋黃醬嘅鮑魚乾醬係絕配。之前認定食鮑魚首選楊師傅嘅阿一鮑魚，想不到依位師傅都做到楊師傅嘅水準。壽司方面，大拖羅有筯唔夠肥似中拖羅多啲。海膽用咗兩種北海道海膽，馬糞海膽好鮮甜另一種甘香，非常之夾。原隻海蝦係客人面前脫殼再做壽司，雖然係熟蝦但都好鮮甜。整體壽司飯都偏酸，唔太合我喜好。全部19樣野一個鐘頭多啲就上晒，覺得太趕未能慢慢品嘗，師傅同我哋零交流但同另一枱客人有飲酒。每上完一件壽司都會用布抹乾淨客人面前嘅壽司碟但同一條布抺晒同枱4個客人嘅碟有欠衞生。服務員提醒如果離開坐位去洗手間需帶口罩，加上一晚得兩枱客共4人就算疫情下都安心一點。可惜師傅唔帶口罩令我哋擔心係廚房內程況如何。基於無其他三星日本餐廳，只好用二星天空吟龍作比較。志魂無維港夜景，無食物視覺，個人認為食物應有色香味，雖然攪gimmick如用乾冰噴霧等等只係增加視覺效果但都顯示出廚
準時到達，環境同日本食omakase嘅餐廳一模一樣，服務員非常有禮同細心。
頭盤蒸鮑魚配自家制鮑魚乾醬係招牌菜。值得一讚係鮑魚質感非常鬆軟，同時保留到鮑魚嘅鮮味，配上似蛋黃醬嘅鮑魚乾醬係絕配。之前認定食鮑魚首選楊師傅嘅阿一鮑魚，想不到依位師傅都做到楊師傅嘅水準。
壽司方面，大拖羅有筯唔夠肥似中拖羅多啲。海膽用咗兩種北海道海膽，馬糞海膽好鮮甜另一種甘香，非常之夾。
原隻海蝦係客人面前脫殼再做壽司，雖然係熟蝦但都好鮮甜。整體壽司飯都偏酸，唔太合我喜好。
全部19樣野一個鐘頭多啲就上晒，覺得太趕未能慢慢品嘗，師傅同我哋零交流但同另一枱客人有飲酒。每上完一件壽司都會用布抹乾淨客人面前嘅壽司碟但同一條布抺晒同枱4個客人嘅碟有欠衞生。
服務員提醒如果離開坐位去洗手間需帶口罩，加上一晚得兩枱客共4人就算疫情下都安心一點。可惜師傅唔帶口罩令我哋擔心係廚房內程況如何。
基於無其他三星日本餐廳，只好用二星天空吟龍作比較。志魂無維港夜景，無食物視覺，個人認為食物應有色香味，雖然攪gimmick如用乾冰噴霧等等只係增加視覺效果但都顯示出廚師嘅心思。既然志魂唔玩依啲咁食物質素一定要蓋過所有野可惜無驚喜。如果要保住三星，真係要 給力！給力！
130 瀏覽
2 讚好
0 留言
129 瀏覽
0 讚好
0 留言
103 瀏覽
0 讚好
0 留言
81 瀏覽
0 讚好
0 留言
80 瀏覽
0 讚好
0 留言
75 瀏覽
0 讚好
0 留言
66 瀏覽
0 讚好
0 留言
72 瀏覽
0 讚好
0 留言
63 瀏覽
0 讚好
0 留言
79 瀏覽
0 讚好
0 留言
張貼
