影片
更多
2024-05-04
1260 瀏覽
好味指數😋😋😋😋回頭指數 ⭐️⭐️⭐️開心指數🤗🤗🤗其實蘇媽蘇媽我食過深水埗、旺角同荃灣分店，當中以荃灣係做得最差。同朋友 gathering，佢揀咗食沙田嗰間。上網搵 Treasure of Semua Semua（TOSS 蘇媽蘇媽）同 Kedai Kopi Semua Semua（蘇媽蘇媽馬來西亞餐室）有咩分別，唔算太搵到，只係響 社交平台 呢間沙田嘅 TOSS 專頁中搵到店家回應客人講TOSS係新品牌（但又冇講分嘢係咩），升級咗肉骨茶嘅質素同埋冇添飲。睇返個餐牌，食物 item 比起深水埗原店係多咗，但同時價錢都貴咗！例如大雜錦肉骨茶，就係$198 同$148，椰汁斑蘭冰係$48 同$38嘅分別，大概係貴咗30% 左右。🍴大雜錦肉骨茶（$198）呢款肉骨茶係有幾款唔同嘅肉，再有冬菇、豆卜、腐皮、油條等配料，店方面講個肉骨茶升級咗，同埋冇得添飲，其實我自己冇覺得wow升級完好飲咗好多，somehow 我覺得同原本嘅冇咩明顯升級，我彷彿覺得係變相加價 only～🍴奶油大蝦（$188）呢個我記得原店冇嘅，大蝦有4隻，配有油餅，蝦都幾大隻新鮮，肉質爽口，個汁好 creamy 好味，幾好食！🍴
回頭指數 ⭐️⭐️⭐️
開心指數🤗🤗🤗
其實蘇媽蘇媽我食過深水埗、旺角同荃灣分店，當中以荃灣係做得最差。同朋友 gathering，佢揀咗食沙田嗰間。上網搵 Treasure of Semua Semua（TOSS 蘇媽蘇媽）同 Kedai Kopi Semua Semua（蘇媽蘇媽馬來西亞餐室）有咩分別，唔算太搵到，只係響 社交平台 呢間沙田嘅 TOSS 專頁中搵到店家回應客人講TOSS係新品牌（但又冇講分嘢係咩），升級咗肉骨茶嘅質素同埋冇添飲。
睇返個餐牌，食物 item 比起深水埗原店係多咗，但同時價錢都貴咗！例如大雜錦肉骨茶，就係$198 同$148，椰汁斑蘭冰係$48 同$38嘅分別，大概係貴咗30% 左右。
🍴大雜錦肉骨茶（$198）
呢款肉骨茶係有幾款唔同嘅肉，再有冬菇、豆卜、腐皮、油條等配料，店方面講個肉骨茶升級咗，同埋冇得添飲，其實我自己冇覺得wow升級完好飲咗好多，somehow 我覺得同原本嘅冇咩明顯升級，我彷彿覺得係變相加價 only～
大雜錦肉骨茶
$198
13 瀏覽
0 讚好
0 留言
🍴奶油大蝦（$188）呢個我記得原店冇嘅，大蝦有4隻，配有油餅，蝦都幾大隻新鮮，肉質爽口，個汁好 creamy 好味，幾好食！
奶油大蝦
$188
11 瀏覽
0 讚好
0 留言
有四款蔬菜，包括豆角、秋葵、茄子同臭豆，呢個嚟到時熱辣辣，鹹香之餘帶少少辣味，非常惹味，但同時都算係頗油膩，鍾意食濃味嘅人應該幾鍾意，有碗白飯會仲正！
四大天王
$92
18 瀏覽
0 讚好
0 留言
呢款其實有丁丁鹹咗少少，棵條炒到一條條，冇痴埋一堆，手藝火喉唔錯嘅～
檳城炒棵條
$118
15 瀏覽
0 讚好
0 留言
邪惡系列，椰香咖央加鮮油，冇得輸！
海南鴛鴦燒麵包
$52
72 瀏覽
0 讚好
1 留言
份量正常，醬汁都係用返沙嗲汁，外層未算太焦糖化，唔太有燒嘅風味，正常發揮。
燒豬頸肉
$92
142 瀏覽
0 讚好
0 留言
豬、牛、雞各2串，燒得有丁丁乾身，燒過龍咗D~
馬拉沙嗲串燒6串
$98
2 瀏覽
0 讚好
0 留言
正常發揮。
怡保肥仔芽菜
$76
6 瀏覽
0 讚好
0 留言
我自己好鍾意班蘭蛋糕，所以呢個係我每次食蘇媽都會叫嘅，好飲！
🍴美綠暴龍（$48）
朋友飲，唔知咩味
🍴桔仔話梅水 - 熱（$42）朋友飲，唔知咩味
整體上嘢食係唔錯，但總係覺得深水埗嗰間係最好食，至於 TOSS 同原身嗰間嘅分別，我以食客角度，係裝修風格唔一樣，唔會搭檯，可以訂位，肉骨茶冇得無限添飲，款式多咗，價錢貴咗，不過我自己都係鍾情深水埗店。
張貼
