康瑞甜品

營業中

休息中

上次約定奧莉花師奶同野口同學黎深水埗行批發街掃平貨，話咁快又約到今日喎，食左少少野先有氣力作戰架嘛。一反常態，奧莉花師奶提議先小食甜品行一陣夜晚再食正餐，驚食完正餐食唔落甜品，老喇，新陳代謝慢喇。《康瑞甜品》咁出名，緊係要黎試下喇。又唔係話出名到爆哂棚喎，可能因為岩岩開鋪，下午茶時份又唔係食甜品時間喇。要試緊係要試佢招牌菜特色仙草百配，配就即係配埋芋圓、地瓜圓、小丸子。食一啖，其實又唔係真係咁特別的，仙草係涼的，但唔係好凍，芋圓地瓜圓小丸子係軟糯的，但無咩味咁，其餘仲有啲薏米，西米露，紅豆，材料係豐富，但無咩特別。不過價錢係幾平既，$25一碗，咁多料，可以邊度揾。