金沙角美食小厨

營業中

休息中

沙田圍附近一直都有好多大排檔，而當中呢一間金沙角美食小廚一直都好受附近街坊歡迎，所以我就去試吓啦。難得去到都梗係要叫返半隻雞煲啦，我就叫咗佢嘅奇味雞煲。唔止有得揀自己係度煲，亦有等廚師幫我整，如果廚師幫我整嘅話，雞件仲會變得更加滑。而佢其他嘢食都好出色，我叫咗佢椒鹽鮮魷，再蘸住佢嘅醬汁之後就更加好食。外脆內軟，魷魚彈牙，非常好食。韭菜花豬頸肉都好正，佢大大碟有勁多韭菜花，而且好入味。而佢豬頸肉都好彈牙，有菜有肉，真係好正。另外亦都推薦叫一份佢嘅乳鴿。乳鴿可以紅燒或者豉油，每一隻都啖啖肉，再蘸埋佢嘅鹽同埋醬汁，味道更加豐富！