御膳

營業中

休息中

父母親節好怕喺正日食飯慶祝，一來正日價錢貴得套餐揀選擇少又分時段，二來孝順父母並不限於父母親節，難得父母不介意，所以揀選大家都方便的時間來補祝。父親大人外出用膳要求甚高，普通小炒父親比外面做得更出色，蒸海鮮煮功過於簡單，自助餐放題又不太喜歡凍食，想來想去似乎上年試過御膳私房菜後，父母親對此店印象甚佳，所以今年慶祝父親節，再光顧這店食私房菜。之前已來電訂位及訂好菜式，所以到齊確認一下即可起菜，眼見除咗一大班人外，亦有兩個的walk-in客品嘗私房菜，可在餐牌即時自選菜式。餐廳位於工廈內，位置不算難找。餐廳裝修簡單清雅，木紋牆身加木質枱，牆上貼有招牌菜式可供參考。麻辣鹵水拼盆之前食過，印象中鹵得甚為軟熟入味，今次亦不例外，豬大腸腍滑，牛肚麻辣，雞絲青瓜嫩滑爽脆，作為頭盤甚開胃。什菌大蜆豆腐湯，每人可分到兩碗。魚湯顏色奶色，什菌大蜆豆腐鮮甜滑溜，可解之前頭盤的麻辣。蒜蓉粉絲蒸蟶子王，金銀蒜非常惹味，蟶子肉質鮮甜嫩滑，粉絲吸收了蟶子的鮮甜味，加上豉油釣味，食味同樣吸引。花龍蝦以上湯方法烹調，兩隻開邊豎立，下面放上炸麵，十分有氣勢。花龍蝦雖然細細隻但龍蝦肉緊緊貼著其殼，証明新鮮游水，肉質鮮甜彈牙