Boholic

營業中

休息中

餐廳既裝潢睇得出落左唔少心思，一入門口有個波西米亞風既打卡座位，除左食野仲可以影下靚相，除左室內座位，都有戶外座，而家既天氣坐戶外座都好舒適。食物方面選擇都好多，而且都係出面比較少見既配搭。輕煎北海道刺身帶子配柚子茴香清新鮮菜沙律：帶子夠新鮮彈牙，柚子清甜，沙律菜新鮮，仲加咗啲薄荷葉，食落去味道更加清新，好適合用嚟做開胃前菜。日本花魚一夜乾拌海膽醬燴意大利飯：少有真係食到海膽味既意大利飯，好有驚喜，花魚一夜乾食落唔會腥，好鮮。香煎慢煮澳洲安格斯牛小排：賣相擺盤吸引，油脂豐富，油花分佈均勻，因為帶有一d筋膜位，食落有嚼勁。本身仲想叫個梳乎厘班戟做甜品，但三個菜都夠哂分量，食完已經飽到食唔落其他野，唯有下次再黎試佢既甜品。