金燕島潮州酒樓

營業中

休息中

呢個星期六約左姨媽舅父佢地一齊飲茶，舅父book 左呢間係尖沙咀既金燕島，地點係寶勒巷既粵海酒店樓上，係尖東或者尖沙咀MTR行過尼都好快。空間感十足，燈光感覺舒服。坐位唔逼，同隔離都隔得好開，唔會聽到晒人地講咩。有前菜及花生, 仲有功夫茶。蝦餃有兩隻蝦，皮薄晶瑩剔透。流沙包，流沙餡鹹香，皮唔太厚。芋絲春卷，炸到金黃色，夠脆。XO醬炒腸粉，食到一半先記得影，XO醬味唔太濃，腸粉夠滑。腐皮卷, 炸得香脆豉椒炒河兜亂，好好味，牛肉夠淋，河粉味道岩岩好，個個都話好味。