古今

營業中

休息中

新派日本料理古今喺尖沙咀已經開咗一段日子，最近喺旺角雅蘭中心開左新分店，weekend即刻同朋友一齊嚟試！新店裝修更加舒服啱曬一班人嚟食，先點左份最愛嘅鱈魚乾配芥末沙律醬，鱈魚乾烤得啱啱好，香脆可口平時攞嚟做佐酒小食真係一流。雖然今晚冇飲酒，但係都係咁好味。仲有必叫嘅金龍卷，最鍾意上面嘅醬汁配以厚厚嘅三文魚，咬落每一口都咁鮮味。最後就係厚切嘅香煎牛舌條，牛舌名副其實外脆內軟，配上蒜片和特制醬油，食到停唔到口。