影片
更多
2024-10-01
2806 瀏覽
最近超人氣嘅泰國菜紅日去到都有條人龍喺門口排隊，排隊嘅時候透過玻璃已經見到餐廳好多職員都係泰國人，另外廚房大廚更加係米芝蓮泰菜samsen 出身。之前已經食過samsen 嘅泰菜，都相當滿意，所以今次更加期待。見到餐廳嘅Menu都係各種地道泰國街頭美食，但係價錢就比samsen平民化好多。晚市嘅Menu比午市選擇更多，試完今次之後，好想再試埋晚市嘅其他菜式。醉貓炒河有和牛或者虎蝦兩種配料選擇，我就選擇咗虎蝦，虎蝦好大隻，食落超級彈牙，好重嘅蝦味。另外仲有雞蛋粟米仔同菜洋蔥呢幾樣材料，所以食落都幾豐富。我幾鍾意泰式河粉咁闊身，食落有少少Q彈嘅口感，而且個河粉炒得好有鑊氣好香，唔會好辣又唔會過於油膩，一切都好平衡。食得出食材同香料都係好正宗嘅泰國風味，大部分都係由泰國直接入口，推薦！和牛船麵湯底望落去超級濃郁，飲落去都一樣。而且配料質素好高，和牛都幾大塊，食落去味道香濃，肉質軟嫩，肉丸都好彈牙。船麵揀咗金邊粉，金邊粉掛湯一流。燒豬頸肉燒豬頸肉切成一片片，每片都好大塊。豬頸肉燒得好香，唔會燒到太乾身，咬落彈牙有油香，肥瘦適中。配上個酸酸哋嘅醬汁特別開胃。泰式椰子雪糕椰子雪糕唔會太甜，帶有淡淡
醉貓炒河
有和牛或者虎蝦兩種配料選擇，我就選擇咗虎蝦，虎蝦好大隻，食落超級彈牙，好重嘅蝦味。另外仲有雞蛋粟米仔同菜洋蔥呢幾樣材料，所以食落都幾豐富。我幾鍾意泰式河粉咁闊身，食落有少少Q彈嘅口感，而且個河粉炒得好有鑊氣好香，唔會好辣又唔會過於油膩，一切都好平衡。食得出食材同香料都係好正宗嘅泰國風味，大部分都係由泰國直接入口，推薦！
和牛船麵
湯底望落去超級濃郁，飲落去都一樣。而且配料質素好高，和牛都幾大塊，食落去味道香濃，肉質軟嫩，肉丸都好彈牙。船麵揀咗金邊粉，金邊粉掛湯一流。
燒豬頸肉
燒豬頸肉切成一片片，每片都好大塊。豬頸肉燒得好香，唔會燒到太乾身，咬落彈牙有油香，肥瘦適中。配上個酸酸哋嘅醬汁特別開胃。
泰式椰子雪糕
椰子雪糕唔會太甜，帶有淡淡嘅椰香，加埋椰子肉一齊食就更加香，我就特別欣賞粒粒嘅花生碎，更加香同有口感。
芒果糯米飯
芒果香甜多汁，配上煙靭嘅糯米飯同鹹甜鹹甜嘅椰奶，好正呢
酸梅茉莉梳打
鹹鹹地酸酸地嘅酸梅加埋梳打，飲落特別爽同開胃，仲有啲茉莉花係到，望落都幾靚。
龍眼冰
有好幾粒嘅龍眼肉，飲到龍眼嘅清甜，但都又唔會過甜，幾清涼。
張貼
