京都勝牛 (AIRSIDE)

營業中

休息中

今日我同朋友去咗位於啟德嘅京都勝牛食飯，依間餐廳以吉列牛扒為賣點，喺香港已經開業一段時間。四品牛魔御膳依一度係餐廳嘅招牌菜，可以食得到四款唔同嘅牛肉部位，當中包括西冷，菲力牛等等。牛肉油脂味非常突出，表皮炸得好香脆，入口充滿牛肉嘅香味。當中我最鍾意食嘅係西冷，牛肉香味突出之餘，亦都同脂肪比例平衡得好好。勝牛喜燒鍋膳呢個適合鍾意食熱食嘅朋友，鍋底有唔同嘅蔬菜，以及係豆腐等等。餐廳提供嘅肉片亦都好高質，只要喺窩中淥熟，再沾上醬汁，真係啱晒用嚟送飯。特濃抹茶流心蛋糕蛋糕嘅份量唔算少，輕輕切開，即刻流出抹茶醬汁。配上雪糕，正好可以解一解抹茶嘅香濃味。最後我哋仲叫咗兩杯特飲，我覺得味道都唔錯。整體嚟講，餐廳所提供嘅牛肉都幾高質，味道亦都好好。