影片
更多
2018-08-15
155 瀏覽
係日本食完天婦羅Omakase 之後回味無窮。返到香港發現呢一間以Tempura 為名的餐廳，即刻book位去試。現在寫食評才發現餐廳並沒有提供合肴Menu 價錢分為三個等級，天$880，瀧$1180，極$1480。三個Omakase 份量一樣分別在於食材選用。天：少咗刺身同合肴，有10件天婦羅瀧：主打5件精選天婦羅極：同瀧一樣，但就多咗日本牛肉本人唔食牛肉關係所以揀選左瀧，而友人則點選左極。餐廳座位分成兩邊，首先有12人座位吧枱，再入有餐桌同一間廂房。平時食Omakase 一定會坐吧枱，因為可以近距離清晰見到師傅如何烹調及處理食材，可惜友人喜歡靜靜地坐在餐桌用餐。先付- 松葉蟹蟹蓋一開始先有呢個松葉蟹蓋打響頭炮。由最底層講起嘅有松葉蟹蟹腳、松葉蟹膏、北海道馬糞海膽同昆布啫喱。店員建議拌勻食用，昆布嘅清新混合蟹肉嘅鮮甜十分開胃。蟹膏味道不算濃郁，被昆布啫喱蓋過了味道。海膽鮮甜度亦都一般。前菜- 北海道白粟米、日本響螺、銀杏同昆布豆腐店員介紹時並沒有說進食先後次序，所以先由左邊昆布豆腐開始，留待白粟米最後享用。昆布豆腐入口味道怪異同帶點苦澀，我同友人吃了一半就放下。。白粟米沒有經過任何處
現在寫食評才發現餐廳並沒有提供合肴
Menu 價錢分為三個等級，天$880，瀧$1180，極$1480。三個Omakase 份量一樣分別在於食材選用。
天：少咗刺身同合肴，有10件天婦羅
瀧：主打5件精選天婦羅
極：同瀧一樣，但就多咗日本牛肉
本人唔食牛肉關係所以揀選左瀧，而友人則點選左極。
餐廳座位分成兩邊，首先有12人座位吧枱，再入有餐桌同一間廂房。平時食Omakase 一定會坐吧枱，因為可以近距離清晰見到師傅如何烹調及處理食材，可惜友人喜歡靜靜地坐在餐桌用餐。
先付- 松葉蟹蟹蓋一開始先有呢個松葉蟹蓋打響頭炮。由最底層講起嘅有松葉蟹蟹腳、松葉蟹膏、北海道馬糞海膽同昆布啫喱。店員建議拌勻食用，昆布嘅清新混合蟹肉嘅鮮甜十分開胃。蟹膏味道不算濃郁，被昆布啫喱蓋過了味道。海膽鮮甜度亦都一般。
前菜- 北海道白粟米、日本響螺、銀杏同昆布豆腐店員介紹時並沒有說進食先後次序，所以先由左邊昆布豆腐開始，留待白粟米最後享用。昆布豆腐入口味道怪異同帶點苦澀，我同友人吃了一半就放下。。白粟米沒有經過任何處理直接食用，十分清甜爽口想再 Encore。
刺身- 磯煮鮑魚（前），池魚、黑睦魚同拖羅（後）友人不吃刺身關係所以轉了磯煮鮑魚。
刺身方面都是用上當造的魚類。池魚雖然一年四季都有，但現在是最肥美的季節。黑睦魚則是時令魚。拖羅分別有Chutoro 同Otoro 各一片，拖羅油脂分佈一般不算肥美，Otoro 顏色偏紅不粉嫩，所以入口魚油量普通而且有根。
蝦天婦羅一夾起可見炸漿不平均，一邊沒有包上炸漿直接可見蝦身。而且食落蝦味什淡，要靠白鹽調味。
目光魚天婦羅（沒有相片）
好多人都會聽成目安魚，正確其實是目光魚。目光魚之所以得其名是眼睛奇特只有雙眼位置綠色。其口感軟綿綿，用以製成天婦羅可做到外脆內軟，加上成條已去骨，兩啖就快速KO。
海鰻天婦羅此天婦羅是配上日本萬能蔥，可見有大量蔥花伴碟，海鰻搭配與蔥汁渾然天成的日本萬能蔥，蔥香不會搶過了海鰻的魚味，亦可以細味兩者的優點。
日本大蜆天婦羅大蜆釀上冬菇粒同少許紫蘇葉，炸漿把蜆汁全部鎖住流返入大蜆中間，冬菇粒都好林身，配合上來整個十分鮮甜Juicy。
日本牛肉（上）熊本西冷牛肉和牛肩肉食事- 三色鰻魚（下）蒲燒（左），蛋卷（中），白燒（右）
由味道較淡食起，白燒鰻魚口感彈牙單配Wasabi 已經可以帶出魚鮮。蛋卷食蛋多過食魚，蛋煮得有啲老唔係軟嫩滑口。蒲燒外層煎得燶脆，但又唔會將鰻魚變得乾身更可保持嫩滑。
食事- 梅素麵來到尾聲同友人已經有九成滿足，一聽到仲有個麵已經同店員講少麵。麵底用上梅汁同梅冰，配紫蘇葉天婦羅。先吃一啖梅汁素麵搭配梅冰，梅冰細緻夾得起卻入口即溶，食落酸酸甜甜清涼解膩，更能消除口腔餘味。紫蘇葉只吃到炸漿粉，並嚐不到紫蘇葉的芳香，有點多餘可有可無。
甜品- 日本番薯🍠番薯炸咗足足一個鐘，因為要把外皮炸至脆身同食用。先試原汁原味嘅番薯香，甜度可以媲美旁邊嘅白砂糖。先點白蘭地後點白砂糖，呢個組合食法都係第一次，出奇地有驚喜同變成甜品，不知不覺食完一啖又一啖。 番薯皮就好似食緊薯片咁，成為番薯薯片。
日本蜜瓜同巨峰提子最後以日本蜜瓜同時令巨峰提子做結尾，美觀關係提子切開四份提子皮外反，但失去左巨峰提子原有食法，一唧皮同肉就會分離原粒入口，切割到咁客人就要用手摵開。
整體來講主打天婦羅質素普通，比一般店舖優勝，但同日本相比卻差天共地。
張貼
