最近去咗中環威靈頓街嘅 TEMPURA TAKI 食晚餐，主打天婦羅 Omakase。坐喺吧枱位睇住師傅即場處理海鮮、落粉、即炸即上，成個過程都幾有氣氛。佢哋用專業嘅日本天婦羅露炸爐，炸出嚟啲蝦、瀨尿蝦、目光魚同穴子都好新鮮，炸皮薄脆又唔油。仲有刺身區，師傅即席切刺身，象拔蚌、金目鯛同秋刀魚都處理得幾靚。.開頭先上魔鬼蛋，面層係蛋黃慕絲配三文魚籽，入面仲有蟹肉同蝦頭油，味道幾有層次。之後四小碟前菜都幾精緻，日本醋漬水雲、海膽豆腐配昆布啫喱、炸銀杏同自家製玉子燒，清清地又唔會太飽。主菜係慢煮和牛肩，肉質嫩，味道平衡。主食升級咗佢哋招牌嘅濃雞湯拉麵，用整隻雞熬出嚟，湯頭又香又厚，食到尾都仲覺得暖笠笠。.最有印象係最後個甜品 — 白蘭地鹿兒島安納芋。由入座見佢哋開始慢炸，到尾聲先上枱，食落外層輕脆、入面軟糯，白蘭地香氣同甜味好夾。甜品仲有自家製焦糖燉蛋，味道唔會太甜。.除咗套餐，其實仲可以加 $280 任飲五款清酒，限時兩個鐘。對鍾意天婦羅同清酒嘅朋友嚟講，呢個組合算幾抵玩。.Taki 瀧 💲880（折後）✿ 先付.✿ 四式前菜.✿ 刺身三款.✿ 天婦羅四款.✿ 煮物.✿ 主菜.✿ 主食 (升級招牌濃雞湯拉麵 +$68).✿ 白蘭地鹿兒島安納芋.✿ 甜品.…查看更多
！佔用面積全層嘅日本餐廳光鮮企理，正門身後為師傅個大舞台。多人派對包哂圍繞著開放式廚房嘅高櫈吧位，食物煮好即可享用，夠哂熱辣辣！吧位身後有條海龍升天，繪出「瀧」字
，霸氣十足！晚市餐牌上共有兩個選擇，其一為指定套餐「瀧」（$1,380/位），其二為可與廚師商討自定內容嘅「雅」（$980/位起）。主人家早已訂好菜單，埋位只需揀靚杯飲清酒。每位席上擺有自用餐具及濕紙巾。細心睇多兩睇，發現筷子原來係某日本木匠曾經講過最好揸嘅五角形款式
，店主似乎有啲料到喎！等待天婦羅時，先有清脆嘅枝豆送酒。前菜中嘅萵筍蟹肉清甜爽嫩，三文魚籽於口腔內爆裂，即有提鮮之效。四式頭盤應建議由左邊嘅水雲杯起，逆時針方向食。勁酸嘅水雲醒神開胃；以味噌自家醃製嘅芝士可以話係另一類嘅重口味，好芝士嘅人就勁啱；節令嘅螢光魷魚好爽脆；橙碟上嘅海膽豆腐則芳香幼滑
，最合個人心意。呈奶白色嘅鯛魚湯鮮濃甜美，暖胃非常。進入天婦羅環節，Barry師傅先介紹配點嘅四款調味，下圖左起分別為天然鹽、咖哩鹽、檸檬汁、蘿蔔蓉。打響頭炮一貫傳統地由靚蝦開場！天婦羅炸漿酥化巧薄，修長嘅蝦身爽脆彈牙，簡單點上白色嘅天然鹽已能吊出鮮甜。旁邊嘅炸蝦頭卜卜脆兼冇渣，沾上咖哩鹽後好似變咗卡樂B嘅咖哩味薯片咁
，送酒佳品也！魚王大讚天婦羅𩶘魚仔皮脆肉扎實，魚味仲好鮮。炸至半生熟嘅天婦羅帆立貝上枱前已一開為二，外脆內軟嫩，加點白鹽最能保持其鮮甜。半條骨都冇嘅天婦羅沙錐魚嘅魚味冇𩶘魚仔咁濃，賓客中竟然有人話食完唔知食緊魚喎
，絕對有飲醉之嫌！彎彎嘅天婦羅瀨尿蝦實淨有彈性，而且好鮮甜。小肥一向對魚興趣不大，反而覺得連殼炸嘅天然大蜆有特色
！據悉，師傅預先將蜆肉切成粒粒，混入冬菇碎及芡汁後焗製一輪後方才成隻喺滾油炸出，乜都唔洗點就咁就食得。意外地，經雙重焗炸過嘅大蜆爽潤多汁，鮮濃滋味得很！全晚之最必選壓軸戲肉紫蘇海膽三文治
，喺廚房嘅燈光下尤其橙艷奪目！「三文治」底面兩片紫蘇葉天婦羅酥化輕盈，芳香尤甚，一口咬落去，當中澎湃嘅海膽餡心即溢滿口腔
，舌上交織出香脆、鮮甜、嫩滑，成功掀起高潮！食完多道天婦羅後，每人面前即有一碗好似茶碗蒸嘅京都豆腐。滑如蛋蛋嘅豆腐擺盤精美，真係冇諗過豆腐面塊透明啫喱乃紅菜頭汁所造，頂面嘅粟米方磚清甜爽脆，組合清麗脫俗，十分可口。單尾食事可選雜菜蝦餅飯、蕎麥麵、烏冬，其中最多人揀食飯飯。XO仔就點咗個清新啲嘅蕎麥麵。甜品環節共有兩道，第一款鹿兒島安納芋師傅其實一早已經開始炸，上碟時更提點層皮都食得
！紫皮黃肉嘅安納芋相當軟熟，黏上伴配嘅拔蘭地同糖後，當中嘅甜味迅即被燃點起黎
，軟化咗嘅表皮亦甜美非常，吃畢一啲渣都冇，堅掂！作結嘅水信玄餅晶瑩滑溜，撈入伴配嘅沖繩黑糖及紅豆粉足以添上微甜與芬芳。樓上天婦羅店「瀧」環境時尚潔亮，室內抽氣充沛，服務生溫婉友善，天婦羅菜式用材新鮮，而且唔係咁油膩，晚市之六八折優惠直令性價比提升不少，值得一試！
