影片
更多
2011-05-06
329 瀏覽
成日都聽倒屋企人話去太平館食瑞士雞翼做下午茶，重要因為食物質素唔同，要揀去九龍間分店添。今次咁啱阿爸阿媽出左街，屋企剩低我自己一個，班姨媽就叫我一齊出去試下銅鑼灣間太平館，順便評一評。嘩，真係估唔倒一間咁＂古老＂既餐廳門口都會排哂長龍，Ｄ人重要年紀不一，心諗一定好正啦。原來餐廳入面冇乜位比人坐喺到等，所以我地就留返姨丈一個喺入面等叫名。好彩街頭街尾有小販擺檔，時間先過得容易Ｄ，因為結果都要等成50分鐘先有位。入到餐廳第一個感覺係好懷舊，裝修應該係三四十年代嗰款，好有＂上海灘＂feel。港式西餐廳都算係西餐廳既，所以太平館用暗淡既光線都講得通，不過室內實在太逼太嘈吵，用＂有情調＂黎形容就好似唔係好合理啦。右手邊全部係卡位，左手邊就係密麻麻既散枱。我地六個人就當然冇卡位坐啦；佢Ｄ散枱又唔大，位又唔多，真係好逼挾，坐得都幾唔舒服；女士們重要全程攬住自己Ｄ手袋，食得好辛苦。一坐低就留意倒餐紙上太平館個Logo，差Ｄ重以為自己攰得滯眼花；真係唔用下腦都睇唔出中間有個＂T＂字。餐廳內既伙計們唔係叔叔就係伯伯，雖然未至於話態度惡劣，不過可能太忙，而且係賽馬日，所以佢地個樣都＂好不在乎＂同＂完全唔休做
嘩，真係估唔倒一間咁＂古老＂既餐廳門口都會排哂長龍，Ｄ人重要年紀不一，心諗一定好正啦。原來餐廳入面冇乜位比人坐喺到等，所以我地就留返姨丈一個喺入面等叫名。好彩街頭街尾有小販擺檔，時間先過得容易Ｄ，因為結果都要等成50分鐘先有位。
入到餐廳第一個感覺係好懷舊，裝修應該係三四十年代嗰款，好有＂上海灘＂feel。港式西餐廳都算係西餐廳既，所以太平館用暗淡既光線都講得通，不過室內實在太逼太嘈吵，用＂有情調＂黎形容就好似唔係好合理啦。右手邊全部係卡位，左手邊就係密麻麻既散枱。我地六個人就當然冇卡位坐啦；佢Ｄ散枱又唔大，位又唔多，真係好逼挾，坐得都幾唔舒服；女士們重要全程攬住自己Ｄ手袋，食得好辛苦。
一坐低就留意倒餐紙上太平館個Logo，差Ｄ重以為自己攰得滯眼花；真係唔用下腦都睇唔出中間有個＂T＂字。
餐廳內既伙計們唔係叔叔就係伯伯，雖然未至於話態度惡劣，不過可能太忙，而且係賽馬日，所以佢地個樣都＂好不在乎＂同＂完全唔休做＂咁。面冇笑容，放低餐具比客人自己分，落完單，擺低餸菜就走人；比起上黎，茶餐廳Ｄ哥哥仔友善得多，真係好奇怪佢地點可以收咁貴。餐包：等位等得太耐，所以第一樣入口既通常都特別正，可以稱得上係成餐飯最精彩既一味。餸都未叫已經有得食，送到埋黎重熱辣辣，認真暖胃。個包軟腍腍，夠鬆化，唔洗用牛油都夠哂甜，冇得彈！
瑞汁牛河：$78，真係貴，酒店都好似差唔多？真係唔知瑞汁咁貴bor！淨睇賣相都知河粉偏油，而且河粉同牛肉既比例唔係好啱，唔夠牛肉；依味好似唔係好夾超甜既瑞汁，只可以話勉強過得去。
鹹牛利：$93；又涷又咸又乾又厚又硬，失敗得很！真係唔明點可以叫做招牌菜。
瑞士鴿珍肝：$72；姨媽姨丈極力推薦，話好食過瑞士雞翼。果然冇介紹錯，好啱內臟fans既XO仔：鴿珍肝完全唔粉，爽口得黎好嫩；好夠汁，所以唔會乾；大家一定要試。
砵酒會牛尾：$104；牛尾太肥，個汁太咸太味精，而且食落槳住個口，連太平館fans既大姨媽都話係全晚做得最差嗰味，非常失望。
燒鴿 x 2：$204；唔可以話係我食過最好既燒鴿，不過都可以列入頭幾名。雖然唔係ＢＢ鴿，不過肉質都好嫩，又夠肉汁，同個瑞汁味道都好夾，所以都值得推介。
梳乎厘：$98；大部份係空氣都收咁貴，好似唔係好值。不過真係夠哂巨型，我地六個人分黎做甜品剛剛好。佢係唔連汁既，味道亦較淡，一般過一般，不吃也吧！
小肥要食到飲可樂，代表味精極濃；食成百幾蚊一個人都唔係好飽証明貴夾唔飽；終結係唔值得要排成個鐘去食囉。
張貼
