影片
更多
2022-11-28
41 瀏覽
好耐冇出國，好想享受一下異國風情。見到有馬來西亞風餐廳，即刻好有feel 。🌟青檸金柚椰香大蝦沙律🌟唔似一般泰式沙律咁辣，呢個沙律酸酸甜甜認真開胃，有蘋果粒、蝦肉、柚子同埋香炸花生粒。蘋果粒新鮮爽口，柚子多汁略帶少少酸味，加上切粒嘅蝦肉，配埋脆卜卜嘅炸花生，口感一流😋🌟喬治城小食拼盤🌟炸物份量都算多，有魷魚圈、蝦多士、串燒雞、蝦醬雞翼、咖喱角。炸物即炸上枱脆口唔油膩，特別係串燒雞串上嘅沙嗲味濃郁，好香嘅花生味。🌟檳城福建蝦摻摻🌟用蝦殼及辣椒熬煮而成的湯底蝦香四溢，雖然個湯底望落紅卜卜，但係一啲都唔辣。湯麵大大碗，摻摻係用油麵同埋米粉兩溝。配上鮮蝦仁、肉片。成件事好有檳城地道嘅風味。🌟馬來拉茶🌟拉茶甜味恰當，香滑茶味比較重。🌟檸檬薏米水🌟滋潤消暑配上檸檬味道清新。🌟追加斑蘭龍眼冰🌟輕輕嘅斑蘭香，再加上龍眼自身嘅果香味道，好match , 清幽香甜，好飲👍。
好耐冇出國，好想享受一下異國風情。見到有馬來西亞風餐廳，即刻好有feel 。
🌟青檸金柚椰香大蝦沙律🌟
唔似一般泰式沙律咁辣，呢個沙律酸酸甜甜認真開胃，有蘋果粒、蝦肉、柚子同埋香炸花生粒。蘋果粒新鮮爽口，柚子多汁略帶少少酸味，加上切粒嘅蝦肉，配埋脆卜卜嘅炸花生，口感一流😋
🌟喬治城小食拼盤🌟
炸物份量都算多，有魷魚圈、蝦多士、串燒雞、蝦醬雞翼、咖喱角。炸物即炸上枱脆口唔油膩，特別係串燒雞串上嘅沙嗲味濃郁，好香嘅花生味。
🌟檳城福建蝦摻摻🌟
用蝦殼及辣椒熬煮而成的湯底蝦香四溢，雖然個湯底望落紅卜卜，但係一啲都唔辣。
湯麵大大碗，摻摻係用油麵同埋米粉兩溝。配上鮮蝦仁、肉片。成件事好有檳城地道嘅風味。
🌟馬來拉茶🌟
拉茶甜味恰當，香滑茶味比較重。
🌟檸檬薏米水🌟
滋潤消暑配上檸檬味道清新。
🌟追加斑蘭龍眼冰🌟
輕輕嘅斑蘭香，再加上龍眼自身嘅果香味道，好match , 清幽香甜，好飲👍。
張貼
