影片
更多
2023-05-16
102 瀏覽
今個母親節我去咗旅行，在孝女特意再請媽媽去佢最愛嘅日本爐端燒餐廳補祝母親節。記得以前去大阪一落機就去食24小時營業的XX水產，食物當然好食但最深刻係需要自己喺爐上面燒，個人隻眼好易敏感太近爐會不自覺流哂眼水。磯野水產就好貼心，員工係餐廳中間位置幫你即燒即送上客人面前，可以望到又聞到但又唔會攻到眼睛前菜：鯷魚醬配蔬菜條雖然係看似係一個好普通嘅前菜，為左飲食均衡就點蔬菜條（我地都想腸道健康，另外又叫咗個鋤燒野菜 $88），誰不知個鯷魚醬十足十甲羅燒蟹膏嘅味道，又帶少少開胃感，食到我舔舔脷！深海池魚薄切刺身 $288媽媽最愛食池魚，佢話深海池魚肉厚刺少，肉質鮮嫩肥美。果然，池魚片薄，刀工好不在話下，脂厚油香，加上小菊花花瓣片同少量魚子吊味，連同入口魚油嘅甘香，齒頰留香的油分令我而家仲記憶猶新！自家製免治雞蟹肉棒 $98呢款串燒免治肉入面帶有雞軟骨嘅口感，有一條蟹棒肉在中間，睇得出師傅嘅手工都好好，食到中間蟹肉仲完整咁出現喺串燒嘅正中間，軟骨脆口，加上蟹肉鮮嫩，雙重口感之餘，加配日本蛋配秘製醬油甜甜又香濃，一定要叫，非常可口！南非活鮑魚配柚子胡椒醬 $98燒鮑魚好容易會燒耐咗令肉身難咬，但係師
記得以前去大阪一落機就去食24小時營業的XX水產，食物當然好食但最深刻係需要自己喺爐上面燒，個人隻眼好易敏感太近爐會不自覺流哂眼水。磯野水產就好貼心，員工係餐廳中間位置幫你即燒即送上客人面前，可以望到又聞到但又唔會攻到眼睛
前菜：鯷魚醬配蔬菜條
雖然係看似係一個好普通嘅前菜，為左飲食均衡就點蔬菜條（我地都想腸道健康，另外又叫咗個鋤燒野菜 $88），誰不知個鯷魚醬十足十甲羅燒蟹膏嘅味道，又帶少少開胃感，食到我舔舔脷！
深海池魚薄切刺身 $288
媽媽最愛食池魚，佢話深海池魚肉厚刺少，肉質鮮嫩肥美。果然，池魚片薄，刀工好不在話下，脂厚油香，加上小菊花花瓣片同少量魚子吊味，連同入口魚油嘅甘香，齒頰留香的油分令我而家仲記憶猶新！
自家製免治雞蟹肉棒 $98
呢款串燒免治肉入面帶有雞軟骨嘅口感，有一條蟹棒肉在中間，睇得出師傅嘅手工都好好，食到中間蟹肉仲完整咁出現喺串燒嘅正中間，軟骨脆口，加上蟹肉鮮嫩，雙重口感之餘，加配日本蛋配秘製醬油甜甜又香濃，一定要叫，非常可口！
南非活鮑魚配柚子胡椒醬 $98
燒鮑魚好容易會燒耐咗令肉身難咬，但係師傅燒製嘅時間啱啱好，再加上佢細心咁為我哋切片，可以原汁原味食到鮑魚肉入面嘅肉汁，強烈推介。
北海道活帆立貝 黑松露牛油 $138
本人最喜愛食燒帆立貝，因為燒製嘅過程外香內軟，而今次食嘅黑松露牛油醬汁好香，醬汁調製得好適中，亦都唔會搶走凡立貝本身嘅鮮甜原味。
燒牛舌、鹽燒白鱔串
呢兩樣都係我哋屋企人平時最喜愛嘅串燒物。牛舌香濃燒得適中，一啲都唔難咬。白鱔嘅魚皮，燒到卜卜脆，肉身好厚肉，中間仲有一層肥肉（咬落好似厚身嘅脆肉鯇一樣，索索聲），亦好似食半肥瘦叉燒咁，鍾意食呢類食物嘅朋友萬物錯過！
總括來講，下一次同朋友慶祝生日或聚會都必定會推薦呢間店，環境舒適，坐落於大型百貨Sogo旁邊嘅樓上舖，非常寧靜又食到日本嘅感覺！
8 瀏覽
0 讚好
0 留言
2 瀏覽
0 讚好
0 留言
$208
1 瀏覽
0 讚好
0 留言
張貼
