Chill Vietnam Cuisine and Bar

營業中

休息中

預早喺OpenRice訂咗星期六18:00 3位，當日我哋準時去到即刻入座，3個人座一張小圓枱，枱面比較細，只可放兩碟食物。我哋叫咗個2人餐$448，揀咗越式小食拼盤、豬頸肉芝士咖哩農夫包、硯港蟹肉炒飯、包兩客甜品（1份香芋西米糕，另1份+$38轉咗越式芋圓椰汁凍）及兩杯飲品（可選餐牌內任何飲品，除啤酒外），我哋再加咗個軟殼蟹牛油果米紙卷$108。小食拼盤和米紙卷味道一般；蟹肉炒飯好味，蟹肉份量足又有口感，而且碟頭大；咖哩農夫包超鹹，入面啲豬頸肉薄片醃到冇晒口感；椰汁凍好好味又唔會好甜，賣相都好可愛；餐牌內飲品選擇多，可按個人喜好選擇。