Nissa la Bella (差館上街)

營業中

休息中

難得星期日唔使返工，當然要約埋閨蜜，好好chill一chill。今次我哋嚟到上環一間充滿意大利風情嘅餐廳，一踏入去已經俾佢高雅嘅裝潢同陽光透亮嘅空間吸引住，連服務員都笑面迎人，好有嘅熱情感覺，真係好似瞬間飛咗去意大利旅行。一開波，就有驚喜 ，侍應送上兩杯welcome drink，即刻令人放鬆心情。每人仲有三款精緻頭盤，真係好有誠意。頭盤三重奏 - 芝士蕃茄多士：酸酸甜甜，配埋香濃芝士，好醒胃 - 法國田螺配香草醬：香草醬鋪得滿滿，田螺煮得剛剛好，唔腥又入味 - 鱸魚他他：重點推介！鱸魚好新鮮，溝埋特製醬汁同洋蔥，清新之餘又帶層次感主菜風味十足，我點咗招牌Egg Benedict，底層鬆化muffin，上面係滑溜溜水煮蛋、鹹香嘅Parma Ham，加埋香濃蛋黃醬，每啖都係滋味嘅交響樂。閨蜜就食咗香煎鱸魚，表皮煎到金黃香脆，魚肉嫩滑多汁，擺盤都好精緻，感受到廚師嘅用心。最後送上香濃咖啡同手工甜品，為呢餐Brunch劃上完美句號。如果你都想過一日意式慢活，呢間餐廳絕對係唔可以錯過嘅選擇 。